Nar 27
27
1An kenenita moma kamar tiakaisua maruan Itali, an netakarofen Paul mene nerem kamelis ilar nevin mun kam sentiurion ker, netigen Julias, le nahuto taha Akastas.
2An iemaruan le niko ker remsipe Adramitia, ierem rama teruan le nowanverin min le ten Esia, an netiakaisua marier, kamar Aristarkas ierem Masedonia remsipe Thesalonaika.
3An lauk in netiakaruat Saidon, an Julias neterol tehwaga meruk to Paul, neteruata lan moma teruan mahm taniel min moma teros nasituan to ilar.
4An netiakarier iken, marihatigen ten Saipras mero in ka nemetag ramail etuatu.
5An netiakaisua mareukafugen le tehe le nikali Sailisia mene Pamfilia, netiakaruat Mira le ten Misia.
6An sentiurion neterahm iken niko remsipe Aleksandria rama teruan Itali, an neterehlau kamar lan.
7An niko neteramai meruk am le nian nevin, an iemarua agsien am iwaket to Snaidas, an nemetag ramespasan niko rai nowanverin, an iemari hatigen ten Krit le nikali Salmoni.
8An iemarua agsien am le nikalin, maruat iken ker netigen Nuhweafe ut, an nuanu Lasea iwaket ton.
9An nian ribor neterua muan, an nasuean riknemul mero in ka Nian te Nemekan reknua muan, an Paul neterakahwag mameni ilar,
10Nerem apa, iaknahm moma nasuean terepua le nahwohwean mene netakenan asul nar, resolan moma le nauta am mene niko, mero nemihwan mun tetar.
11Mero sentiurion netereteleg in ieremera le niko mene ierem tahan niko ka, mapas nar min Paul rameni.
12An mero in ka nuhweafe remesevitan to narikan le nian in nerapan, ilar ribor netakani nowa tenilar mama takaisua atou iken, ama remeruk to neroatisan Feniks mamairik iken nian in nerapan; in nuhweafe le Krit ruiauker nibalap mene nikali luotu.
13An Tokolau ramesesau amelinu, an nekin ilar neterakahmo moma kenaros nar karolkeikei, an netiakaru us an netiakaisua iwaket le nikali Krit.
14Mero resolan moma remuh nemetag asul neteratite mesipe lan, netigen Iurakuilo.
15An nemetag neterhiapatin niko, an riakis ton moma teretik etuatu nemetag, an iemarofen niko an neteramaiha in kamar.
16An iemai le nikali ten asuas ker netigen Kauda, an iemeisanen agsien am to noshmahmean bot.
17Ierem netakaruit, an netakaros nar terasitu netakaitout kam niko lahau. An netakamarigen mama takamo karuin ilar le Surtis, an netakaros iau nivan, an neteraiha am in maka lan.
18An neteramautin asul kamar, an lauk in netakailakiatou in nauta.
19An le nian ierem rol kisil netakailakiatou in le nelimin ilar ena pisapis te niko.
20An mit mene mahau min kamesaisiakapunan kamar le nian rapus, an nemetag resolan moma resuas rakamel le kamar, an natigetean kenosita petum moma tapos miuh kamar.
21An nemekan remamibor, an Paul neterail le nekin ilar mameni, Nerem apa, repavit to kamar takama nemaiteleg in io mesarieran le Krit mama tenakaros nahwohwean uk mene nelakinan nauta.
22An towe tikakeikei kam kamiar moma tenakaigien, mero in ka tepesetakenan nemihwan te kamiar ker, mero niko am.
23Mero in ka lapin uk agelo te Wuhgin, ierem tahan uk io mene ierem iakamol atkokun mun nar ton, ramail iwaket tonio mameni.
24Tenesaginan, Paul; ik tenepakeikei mail le nemri Sisar, an ahm ru, Wuhgin reknofena kam ik nerem kamaisua kamiar min ilar.
25Mero in ka aigien, nerem apa; mero in ka tiakani nuparhienan le Wuhgin moma tapol maka lan, rolkoma in ka kameni tonio.
26Mero tepakeikei kalakbat in katar le ten mur ker.
27An lapin neterol katilum katilum mekuer, an neterametiatou kamar le tehe Adria, an lapin lalukan nerem kamaros niko netakaihm mama ten ker reknakava iwaket to ilar.
28An netakairuapsapis netakaihm fathom 20; an netakaruan tahman mun mairuapsapis mun netakaihm fathom 15.
29An netakamarigen mama tepelakbat in ilar iken kapiel iken, an netakairuarin us kuer le nepiken niko, an mameihwak mama terhakak.
30An nerem kamaros niko netakama takareukita niko, an netakaruatevata le bot le tehe mamareiwa mama takaihlau us le tenkapa niko.
31An Paul netereni to sentiurion mene soldier min, Takama nerem an tesairikan letui niko riakis moma takos miuh kamiar.
32An soldier min netakairakru toula le bot maruata lan ram ita.
33An meroatis terefhakak Paul neteramakeikei kam ilar min moma takarugan mameni, Towe nian reknol katilum katilum mekuer kamiar nakameitanin mamairik le nemekan, mesarosan nar ker.
34Mero in ka taikakeikei kam kamiar moma tenakarugan, mero in ka in uk nar to nemihwan temiar. Mero nemami nowanumiar karena tepesetakenan.
35An netereni nar min uk, an neteros bred mameni vivi wuhgin le nemrim ilar min, an netererkahl merwowun mamkin.
36An ilar min netakaigen, an ilar mun netakamarugan.
37An kamar petum le niko ka neremim 276.
38An ilar netakarhepus le nauganan, an netakarol alukaluk niko meilakiatou in owa hwit le tehe.
39An neterhakak netakatiktik ten ka; mero netakaihm nuhweafe ker meilakiatou in nowa hwit le tehe.
40An netakaitek us min maipas le tehe, an in am ka netakaitubalakin nar kamailtin nivea lan; an netakarui nivan to nemetag netakamari to nemaklakel.
41Mero netakarua iken tehe mil kamiaos alipun iken, an niko netererai nar, an iaupan neterasin mial meskiukiuan, mero nepike niko reknamouasesan le nahgi tehe.
42An soldier min netakani mama takarhwapnin nerem kamelis ilar mama ker tereseai ita an makam.
43Mero sentiurion rolkeikei moma teros miuh Paul, neterenhiau ilar to nar kamama takarol. An netereni moma nerem karhinatin neaian takait maiupan mareai bat, an maiupan maruat le nemapten.
44An nevin mun, nevin le neutain niko, mene nevin le naremnar min te niko. An rol mok ilar muka kenos miuh ilar le ten.
Currently Selected:
Nar 27: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
