Nar 25
25
1An Festas neterua le ten ka, an nian kisil neterua muan an netersipe le Sesaria met muan Jerusalem.
2An neremera le nuhwasigenan mene neremera le Ju min netakamaiusito in Paul ton mameitat.
3An netakamaiknikei kam in mameihrapuk to nasituan to netetan Paul moma terhal ruan kiripa in Jerusalem, an kama takaimel aken to hnoan in le suatu,
4Mero Festas neteraram moma Paul kamahmahm Sesaria an iwaket am in atu terepier muan iken.
5Netereni, Mero in ka pas nerem asul le kamiar kaitite kamar min ilar, an takama nar mul ker le ieremim ka pas kaitat in.
6An neteramarik to ilar resolan moma nian ribor le nian katilum mekisil wa katilum katilum, an neteratite muan Sesaria; an lauk in neteramowata le nar kamowata lan te nuhwapraian mmeni moma tikir Paul kava.
7An neterua an Ju min nerem kamaitite masipen Jerusalem netakailil elauelau in, an netakahitukupen tehwaga ouloul nevin lan, ierem min kaseisanenan to neniesasan lan.
8An Paul netereraram meni, Iemesolan tehwaga tat ker le nowa asul te Ju min, wa le nimwa ahwak, wa le Sisar.
9Mero Festas rolkeikei moma terol neki Ju min ravit ton, an neteraram mameni to Pul, Ik nakolkeikei moma tenakat muan Jerusalem moma takhwaprai nar min uk iken le nemrok?
10Mero Paul netereni, Io iakamail le nar kamowata lan te nuhwapraian taha Sisar, iken takakeikei kuhwaprai io iken. Io iemesolan tehwaga tat ker le Ju min, rolkoma ik nakhinatin ut aken.
11Mero takama iamol tehwaga tat mamol nar noukari nemisan lan, tiapapas nakeikeian moma tiesemisan. Mero takama noukarin rika le nar min nerem uk kameitat io ton, riakis to neremim ker moma terauraipen io kam ilar. Io tiakaunpen in Sisar.
12An Festas neterakar ita kam nerem asul neteraram, Ika neknaunpen in Sisar; tenepuan to Sisar.
13An nian nevin neterua muan An Akripa ieremera mene Bernise netikiava Sesaria muoma tukuakar kam Festas.
14An netukuarik iken le nian rapus, an Festas neterausito in nar taha Paul to ieremera mameni, Ieremim ker Filiks ramehlau le nimwa iakis;
15Ierem neremera le nuhwasigenan mene nerem asul le Ju min kamaiusito in tonio loanian iemamarik Jerusalem, mameihrapuk to nuhwapraian netetan ton.
16An iemaram to ilar moma resolan moma tehwaga taha nerem Rom moma takaiuraipen ieremim ker aupan in ierem kametat in terail le nemri nerem kameitat in mamos nian to naraman to nar kametat in ton.
17An ilar netakarhwafugen ietuk an io iemesolan tanipen, mero lauk in iemamowata le nar kamowata lan te nuhwapraian mameni moma tikir ieremim ka kava.
18An nerem kameitat in netakailil ton mesahitukpenan noukari nar retat kama nerem nekiuk ramakahmo.
19Mero netakahituk pen lan noukari nar nevin le nahwakan tenilar, mene le ierem ker Iesu ierem reknemis ierem Paul rameni lan moma ramemiuh.
20An io iemetiktik am nehrapukan to naremnar min uk, an iemehrapuk ton moma rolkeikei nuenan Jerusalem moma tafhwaprai in iken le nar min uk.
21Mero Paul rameni moma takahlau in to nuhwapraian taha Akastas, an iemeni moma takahlau in meroatis tiafhalipen in kam Sisar.
22An Akripa netereni to Festas, Io mun iakolkeikei moma tiakarou ieremim ka. Netereni, Tolauk teneperou in.
23An lauk in Akripa neterua ilau Bernise le nevitan asul, an netakaruan le nimwa te nakaran, ilar neremera le soldier min mene nerem asul le nauanu ka, an Festas netereni moma tikir Paul kava.
24An Festas netereni, Ieremera Akripa mene kamiar nerem nakamaiwata katar min kamiar, nakamaihm ieremim uk ierem nahuto etahun le Ju min kamaikeikei kam io ton le Jerusalem mene ikenuk mamani apahm mama resevitan moma terarik apahm tahman.
25Mero iemahm moma remesolan nar ker noukari nemisan lan, mero neteraunpen in Akastas, an iemeni moma tiakhalipen in.
26Ierem iesosan nar parhien ker lan moma tiakrai to ieremera. An to nar uk iemiratou in to kamiar mene tonik ena, ieremera Akripa, moma tenakahrapukita ton tiapos nar tiaprai.
27Mero in ka nekiuk rakahmo moma remul moma takhalipen ierem kamelis mesausitoan mun in nar kametat ton.
Currently Selected:
Nar 25: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
