2 Jon 1
1
1Elder to wasekam ierem kenahmpen mene nererin, ierem min io iakolkeikei kamiar le nuparhienan, an resolan moma io pusenam mero ilar mun petum nerem karhinatin nuparhienan.
2Mero in ka le nuparhienan ierem ramarik le katar, an terepamarik to katar le nowa nu min.
3Nevitan nasakanin mene nemelinuan terapamarik to katar le Wuhgin Remitar, mene le Iesu Kristo Neri Remitar, le nuparhienan mene nolkeikeian.
4Nekiuk ramagienipus mero in ka iemahm nererum nevin kamaivan le nuparhienan, rolkoma kamaros nowa to Remitar.
5An towe tiakahrapuk tonik, wasekam, resolan kama tiakrai tonik nowa vi, mero ierem iemaros le nerwowunan, moma takarolkeikei katar min.
6An inuk nolkeikeian moma takaivan le nowa min tahan; in uk nowa, rolkoma nemairou le nerwowunan, moma tenakaivan lan.
7Mero in ka nerem kamareuhiatin til ribor kenarier pa le ten uk, nerem kasaniapuan Iesu Kristo moma terua le nubulakin; inuk ierem rameuhiatin til mene tikimer te Kristo.
8Amairou ena kamiar, mama tenesariapatouan le nar iemarol, mero teneparos nemrin etahun.
9Ierem rakavan kiten am, mesarikan le netikunan te Kristo, in resosan Wuhgin; ierem ramarik le netikunan, in reknos Remitar mene Nerin.
10Takama ieremim ker terua to kamiar an mesosan netikunan uk, tenesariripenean in le nimwa temiar, an tenesaikarvian ton.
11Mero in ka ierem terakar vi kam in, reknos ton noletetan mun tahan.
12Iamos nar ribor tiakrai kam ik, mero iesolkeikeian moma tiakrai le peper mene igk mero iakamatigeta moma tiapuna tonik kapuakar kam nemrimlau mil, moma nagienan, temiar terept iau.
13Nereri piam ierem kenahmpen takaikar vi kam ik.
Currently Selected:
2 Jon 1: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
