1 Jon 2
2
1Nereruk wasuas min, tiakrai nar min uk to kamiar, moma tenesarolan tehwaga tat, kenaros ierem terasitu le katar le Tata, Iesu Kristo ierem matu.
2In nuhwasigenan to tehwaga tat tetar, an resolan moma to tetar pusen am mero to ten min mun etahun.
3An le nar uk takarhinatin mama takarhinatin in, takama takarol nowa min tahan.
4Ierem tereni, Iakhinatin in, an mesolan nowa min tahan in ieiwa, an nuparhienan resarikan lan.
5Mero ierem terol nakaran tahan, nuparhien nolkeikeian te Wuhgin kenol ita lan. Le nar uk takarhinatin mama takamairik lan.
6Ierem tereni moma ramarik lan, in terakeikei mamavan mun rolkoma in ramavan.
7Nerem keikei, iakasraian nowa vi to kamiar, mero nowa iroas ierem nemaros le nerwowunan; nowa iroas in nakaran kamiar nememairou.
8Mun ka nowa vi tiakrai to kamiar, in teraparhien lan mene le kamiar, mero in ka napinapan reknua makavan, an hnakakan parhien reknamasia towe mene.
9Ierem tereni moma in le hnakakan mamomakin pian, in le napinapan meroatis towe mene.
10Ierem rolkeikei pian ramarik le hnakakan, an nar kamapitetel lan resarikan lan.
11Ierem ramomakin pian, in le napinapan, an ramavan le napinapan, an retiktik am moma rametuan, mero in ka napinapan reknol nemrin rou.
12Tiakrai nawowa to kamiar nereruk wasuas min, mero in ka tehwaga tat temiar kenosita mero in ka le Netigen.
13Tiakrai nawowa to kamiar, remin ilar min, mero in ka nakarhinatin ierem ramematik le nerwowunan; tiakrai nawowa to kamiar, netemalua, mero in ka nekneirai ita ierem tat.
14Iemrai nawowa to kamiar, nowasuas min, mero in ka neknarhinatin Remitar; iemrai nawowa to kamiar, remin min, mero in ka nakarhinatin ierem ramemarik le nerwowunan; iemrai nawowa to kamiar, netemalua, mero in ka nakaiusikausik, an nakaran te Wuhgin ramarik le kamiar, an nekneirai ita ierem itat.
15Tenesarolkeikeian ten uk mene naremnar min le ten uk, nolkeikeian te Remitar rika lan.
16Mero in ka naremnar min le ten uk, nolkeikeian te nubalakitil, mene nolkeikeian te nemritil, mene nagnaginan te nemihwan uk, resolan moma remsipe le Remitar, mero remsipe le ten uk.
17An tenuk terua muan mene nolkeikeian tahan, mero ierem terol nowa Wuhgin ramarik lilen.
18Nowasuas min, in uk nian oatisig, an rolkoma kamiar nemairou mama tikimer te Kristo terua, an towe mene tikimer te Kristo ribor kenarua; an le nar uk takarhinatin mama nian oatisig.
19Ilar kamarier le kamar, mero resolan moma kamar min nevin; mero in ka takama ilar kamar min nevin, ilar kapamairik kamar min ilar; mero (kamarier) mama tafhinatin ilar min, moma resolan moma kamar min nevin.
20An kamiar neknaros netepian le Ierem Ausim, an nakarhinatin naremnar min petum.
21Iemesraian nawowa to kamiar mero in ka nakasarhinatinan nuparhienan, mero to nar uk moma nakarhinatin in, an mero in ka neiwean resesipenan le nuparhienan.
22Pehe ieiwa, mero ierem terapnin Iesu moma in Kristo? In uk tikimer te Kristo, ierem terapnin Remin mene Nerin.
23Ierem terapnin Nerin, in resosan Remin. Ierem tereni apu Nerin reknos Remin.
24Kamiar, pas nar nemairou le nerwowunan rarik le kamiar, kamiar mun tenepamairik le Nerin mene le Remin.
25An in uk nar kamenita ierem in ramenita to katar, nemihwan lilen.
26Nar min uk iemrai to kamiar to nerem tepareuhiatin kamiar.
27An kamiar, netepian ierem nemaros ton ramarik le kamiar, an nesarolkeikeian mama ker teretikun kamiar; mero rolkoma netepian tahan teretikun kamiar le naremnar min, an teraparhien an resolan moma neiwean, an rolkoma in rametikun kamiar, amairik lan.
28An towe, nereruk wasuas min, amairik lan, mama takama tukhinhin, tepatigha mesaiulisan le nemrin le nuean tahan.
29Takama nakarhinatin mama in rematu, nakarhinatin mama ierem terol tehwaga matu kavaih lan.
Currently Selected:
1 Jon 2: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
