1 Jon 1
1
1Nar ramemarik le nerwowunan, nar iememairou, nar iememaihm le nemrimar nar iemaretagpen maihm, an nelimimar remek, le nakaran te nemihwan.
2Nemihwan kamhinhin, an iaknaihm mamaiusito in mamani to kamiar nemihwan lilen ierem ramemarik to Remin an kamhinhin to katar.
3Nar iemamaihm mamairou iakamani to kamiar mun tenakairik pilpil to kamar an nuparhien, narikipilpilan tetar in le Remitar mene le Nerin Iesu Kristo.
4An iakmarai nar min uk, mama nagienan temiar terepet iau.
5An inuk nausitoan iememairou ton, an iakamani to kamiar, mama Wuhgin in hnakakan an napinapan rika aken lan.
6Takama takani mama takamarik pilpil ton mamaivan le napinapan, takareiwa mesarolan nuparhienan.
7Mero takama takamaivan le hnakakan rolkoma in le hnakakan takamairik pilpil to katar min, an nita Iesu Nerin terhapel ita tehwaga tat min le katar.
8Takama takani mama tehwaga tat rika to katar, takareuhiatin atu am katar, an nuparhienan resarikan le katar.
9Takama takani apu tehwaga tat tetar, in teraparhien metuatu moma terosita tehwaga tat tetar hmapel ita tehwaga tat min le katar.
10Takama takani mama iemesarolan tehwaga tat, takarol in kama ieiwa, an nakaran tahan resarikan le katar.
Currently Selected:
1 Jon 1: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
