Zaburi Sya Daud 97
97
Dominus regnavit.
1Bambo ayii mutwa; guhine ndima:
Filumba fingi fihekelele.
2Litoto na manyenye fiusyungutila:
Kukita malinga mu kupagula kuwikingani kitihu kyake kya kiutwa.
3Mwoto gugenda pa kyene kyake:
Kuwakunga wamitumba wake kisyungutile.
4Mbamba syake syamulike pa mondo:
Ndima gwaweni, nu gwihengise‐hengise.
5Fidunda fyayengatwike ngati unemu pa kyene kya Bambo:
Pa kyene kya Bambo wa ndima gwoha.
6Kunani kukokosa umu akitila malinga:
Ni misafi yoha yikuwona kukwisika kwake.
7Wakoseke lihamu wala wa wafihengela fyakuhongola; wala wa wilumba pa fifwili:
Munng’wilaye kimbo, mwenga wakamlungu woha.
8Zion lyayufwine ni lyahekelele, na wana wadala wa Yudah wahinite:
Ndawa ya aga upagula, Bambo.
9Ndawa wenga, Bambo, uyii wa Panani pene panani pa ndima gwoha:
Wikwelise nyahope panani pa wakamlungu woha.
10Mwenga wamugana Bambo mufyome ni kiwifu:
Agalindilila maumi ga wala wa lukolo lwake, awafuwula pa kiwoko kya wawifu:
11Lulangalila lupandike kwa wala wakukita malinga:
Nu kuhekelela kwa wala wakugoloka pa mwoyo.
12Muhekelelaye pa Bambo mwenga wakukita malinga:
Mukalisenguse lihina lyake liwalafu.
Currently Selected:
Zaburi Sya Daud 97: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
