Zaburi Sya Daud 98
98
Cantate Domino.
1Munjimbilaye Bambo nyimbo ya hino; kukita akite fya kupambana:
Kiwoko kyake kya kigosi, ni kiwoko kya kuwalala kwake, kyankitile uyokosika:
2Bambo agumanyise uyokosi wako:
Umu akitila malinga afunakwile miho ga mihnko.
3Akumbukile lukolo lwake ni kiyitakiso kyake kwa nyumba ya Israel:
Nafi syoha sya nndima siguwona uyokosi wa Mlungu witu.
4Munkwesilaye Bambo, milima yoha:
Muwaukaye ni kululuta, muyimbaye zabua.
5Munjimbilaye Bambo zabur ya mhawala:
Pa mhawala ni njwawila ya zabur.
6Pa mbata ni njwawila ya lipenga:
Muwunganaye pa kyene kya Bambo, mutwa.
7Nyanja iyuge, na fyoha fimema mumu:
Mondo, na wala watama pasi mumu.
8Mikuka ikuwile mawoko:
Fidunda filulute pamonga.
9Pa kyene pa Bambo, ndawa ahicha kupaula nndima:
Yapaule mondo pa kukita malinga, ni misafi pya kugoloka.
Currently Selected:
Zaburi Sya Daud 98: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
