Zaburi Sya Daud 96
96
Cantate Domino.
1Munjimbilaye Bambo nyimbo ya hino:
Munjimbilaye Bambo, ndima goha.
2Munjimbilaye Bambo, mulilumbaye lihina lyake ngati lyene kihomo:
Muyenesyaye ligono ni ligono ndumi nnofu sya uyokosi wake.
3Mukokosyaye kukwisika kwake pa mihuku:
Ni fyakupambana fyake kwa misafi yoha.
4Pakukita nkulungu Bambo, ngaalumbike kukulungu:
Ngaayogopike kulutila wakamlungu woha.
5Ndawa wakamlungu woha wa misafi milungu ya waka:
Koma Bambo akukite Kunani.
6Mbili na fyakupambika pa miho pake:
Mbafu nu kuniamba pandu pake pa pakape.
7Mumpelaye Bambo, mwenga mitangilo ya misafi:
Mumpelaye Bambo kukwisika ni mbafu.
8Mumpelaye Bambo kukwisika kwa lihina lyake:
Mutolaye nyambiko, mukayiche mumahegele gake.
9Munngwilaye Bambo kwa kupambika kuwalafu:
Mudigidaye ya kyene kyake, ndima gwoha.
10Mukite pa mihuku, Bambo ayii mutwa:
Mondo kawili yiwikike ngani, nakuhelela; yombe yayijowele misafi mihalo kwa malinga.
11Kunani kuhekelele, ndima gukahine:
Nyanja yikeyule, na fila fimemite mumu.
12Nngunda guyangale, na fyoha fiyii mumu:
Leka mikongo yoha ya misitu yayilulute.
13Pa kyene kya Bambo, ndawa ayicha; ndawa ayicha kugupagula ndima:
Yaayipagule mondo kwa kukita malinga, ni misafi kwa fya chakaka fyake.
Currently Selected:
Zaburi Sya Daud 96: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
