Zaburi Sya Daud 106
106
Confitemini Domino.
1Mundumbaye Bambo, munnsengusaye Bambo; ndawa ayile mnofu:
Lukolo lwake kitamile mumu pela.
2Nani ahotola kupisa fya kigosi fya Bambo:
Pangi kuwalasa malumbo gake goha?
3Wakusenga wakulindalila lilamulo:
Nayombe kukita malinga lukumbi luyile lyoha.
4Unikumbukile, Bambo, na kuyitakila kwa nnsafi wako:
Ukanilolele ni uyokosi wako.
5Nikalole unofu wa wakuhaulika wako:
Nikahekelele pa kuhekelela kwa mhuko wako nilumba pamonga ni lipwela lyako lya kugawa.
6Tikitite sambi pamonga ni wakadadi witu:
Tikitite upulu‐pulu, tifikite fiwifu.
7Wakadadi witu pa Egupto waholalile lepa wichi fyakupambana fyako:
Nakukumbukila wingi wa lukolo lwako; naakana kikanile bahapo pa nyanja, pa Nyanja Ngele.
8Koma awayokwile ndawa ya lihina lyake:
Afimanyise fyakigosi fyake.
9Ayilakalile nyanja Ngele, ni yiyumika:
Na awagendesa pa fina, ngati lipululu.
10Na awayokola pa kiwoko kya yula wakufyoma nawo:
Na awakombola ngati yaya wawe.
11Na machi yafunakile wamitumba wawe:
Nakulutalila baho yumo wawombe.
12Na waliyitakila lilowe lyake:
Wayimbite malumbo gake.
13Wayumbatike kugayiwa mahengo gake:
Nakwilindakisa malango gaga agapangite.
14Na wagana munumunu pa lipululu:
Ni wanngesela Mlungu pa nndima wakukayuka.
15Na awapela fila waluwite:
Na apeleka kuwenga mmaumi gawe.
16Na wammbonela Musa uwifu pa masakasa:
Nu Harun wakuwalala wa Bambo.
17Wadundwile nndima wamilite Dathan:
Nu gufunakila panani pa chengo cha Abiram.
18Ni guyamila mwoto pa chengo yawe:
Lilambe liwanyanyite wakuwipa.
19Wakite mwana wa ng’ombe pa Horeb:
Na wakigwila kimbo kifwile kya kuyengatuka.
20Ni akuyandungana kukwisika kwawe:
Na makungiko ga ng’ombe ya kulya manyasi.
21Wanjiwite Mlungu nnjokosi wawe:
Wakukita fikulungu pa Egupto.
22Fyakupambana pa nndima wa Ham:
Findu fya woga bahala pa Nyanja Ngele.
23Nakite, yaniwayange:
Koma Musa yula amhawile ayime pa kyene kyake pakukayuka, kukilausa kuwina mwoyo kwake, asiwayananga.
24Na uguhepesa nndima wakuganika:
Nakuyitakila lilowe lyake.
25Na ugimisa pa hema syawe:
Waliyufwanile lepa lilowe lyake.
26Nu awatutawusile kiwoko:
Kukita, Yaniwagwise wombe mmapululu.
27Yaniyigwise mbuyu yawe pa mihuku:
Yaniwayambanise pa milima.
28Na wiwungana pa lipanda pamonga ni Baal Peor:
Na wala nyambiko syakudumula sya wakufwa.
29Na wanndadisa pa fyakukita fyawe:
Ni kitamo kyakubingula kya wayambaukile:
30Niayima Phinehas, nakita lilamulo:
Na kitamo kyakubingula kyasiwalakike:
31Nikuwalangika kwa yombe kukita kukita malinga;
Kwa kihogosi ni kihogosi mpaka kutamila mumu pela.
32Na ayambanise mwoyo kawili pa machi ya Meribah:
Na kya yile kiwifu kwa Musa kwa ndawa yawe.
33Ndawa wayikanite roho yake kikanile;
Na ajowa likachi pa milomo yawe.
34Nakuwasala njwe misafi:
Umu Bambo akite kwa wombe.
35Na ayipambise ni mihuko pamonga:
Ni iyigalisa mahengo gawe.
36Na afihengela fifwili fyawe:
Na kya patite kutama ntego kwa wombe.
37Niwolekela wana wawe wagosi ni wadala:
Nyambiko syakudumula kwa mahoka gakusumula.
38Naamwaga mwasi wa wala wangahoka, mwasi wa wana wawe wagosi ni wadala, wala walekile nyambiko syakudumula kwa fifwili fya Kanani:
Nu nndima wakitike wa waka nu mwasi.
39Niwalekalike wafu pa mahengo gawe:
Niwakita ukeme pa fyakukita fyawe.
40Ni kuwinisa kudada kwake Bambo nu nnsafi wake:
Na agolosa lipwela lyake lyakugawa.
41Na awapeleka mmawoko ga mihuko:
Na awalinganisa wala wakafyoma nawo.
42Na awayilakisa kawili wakuwawipila:
Nawayinamisika pasi pa kiwoko kyawe.
43Kawili kawili awafuule:
Na wombe wakanite kikanile pa malango gaga wapangana, naasulusika nyahope pa upulipuli wawe.
44Na awona pakufinyikisa pawe:
Pala amalite kuyufwanila kulilila kwawe.
45Na wakumbukila malagano gake:
Nawalapa kwa wingi wa lukolo lwake.
46Awapelike kwa lipyana:
Pa fyene fya woha wakutondola matondolo.
47Utiyokole, Bambo Mlungu witu, ukatiwunganise kuhuma pa mihuko:
Tilifumbale lihina lyako liwalafu, na kwisangalusa pa malumbo gako.
48Alumbike Bambo, Mlungu wa Israel, ngati kihomo kyene, kitumbulile kitamile mumu pela ni kitamile:
Na wakiti nnsafi goha, Amen: Mundumbaye Bambo.
Currently Selected:
Zaburi Sya Daud 106: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
