Zaburi Sya Daud 105
105
Confitemini Domino.
1Munnsengusaye Bambo, mulikemelyaye lihina lyake:
Muyufwanaye, fyakukita fyake pa makutu.
2Munjimbilaye, munjimbilaye zabur:
Mukajowe muwakape ya fyakupambana fyake fyoha.
3Mwilumbaye pa lihina lyake lya kape:
Mwoyo wa wala wakunndonda Bambo uhekelele,
4Munkisaye Bambo ni mbafu syake:
Mulonda‐londaye kyene kyake kilondile.
5Mufikumbukilaye fyakupambana fila afikite:
Fiwalilo fyake, na malumbo ga pa nndomo wake.
6Mwenga mbuyu ya Abraham wakuhengela wake:
Mwenga wana wa Yakobo, wakuhaulika wake.
7Yombe Bambo Mlungu witu:
Malamulo gake gayile pa nndima goha.
8Wagakumbukila malagano gake kwa kitamile mumu pela:
Lilowe lila ataukile kwa fihogosi elfu.
9Malagano gala akite ni Abraham:
Lila anndapalakise Isaak.
10Na aliyime kwa Yakobo kya kidumulano:
Kwa Israel malagano ga kitamile mumu pela.
11Kukita, Kwa wenga yanigupeleke nndima wa Kunani:
Nngoyi wa lipwela linu lyakugawa.
12Pa kutama wombe wayitu gwakuwalangika:
Ena, wakukepekela na wihadisa waka pandu.
13Naagendagenda kuhuma pa mhuko kuyingila pa mhuko:
Kuhuma pa utwa gumonga mpaka nnsafi guyine.
14Nakusigisila baho mundu wakusumula:
Na ayambulisa watwa pa mhalu wawe.
15Kukita, Musiwakwafya awa wakubakasika mafuta wangu:
Musiwakitila fiwifu wakulweta wangu.
16Nakemela njala bahapo pa nndima:
Adumwile nkongocho goha wa chakulya.
17Atumite mundu pa fyene fyawe:
Yoseph ahemalike kutawa wakuhengela.
18Wampotakise magulu gake ni findawatila:
Mwene agonakike pa minyololo ya kyuma.
19Mpaka lukumbi pala lilowe lyake lyachite:
Lila akite Bambo lya mgesite nu mwoto.
20Mutwa atumite na annjokola:
Wakuyilinganisa misafi, na adindulila.
21Ambikite bambo pa nyumba yake:
Nu wakufilinganisa fyoha fila ayikawile.
22Kuwakunga wanduno wake mmigoyi uma alondilaga:
Kuwayigalisa wakulu‐wakulu wake luhala.
23Na yitakila Israel pa Egupto:
Yakobo ayile wakwihadisa pa nndima wa Ham.
24Na ahogolesa nnsafi wake nyahope:
Naawakangamisa kulutila wamitumba wawe.
25Ang’anamwile mwoyo wawe kuguwipila nnsafi wake.
Kuwakalamukila wakumhengela wake.
26Atumite Musa wakumhengela wake:
Nu Harun yula amhawile.
27Wawikite pagati pawe findu fingi‐fingi fya fiwalalilo fyake.
Ni finyantiti pa nndima la Ham.
28Atumite lwisi, akite lwisi:
Na wagakanile lepa malowe gake.
29Asandwise machi gawe mwasi:
Na asikoma somba syawe.
30Nndima wawe watutwime na manyoto:
Pa findendemula fya watwa wawe.
31Akite, na gahicha mawembe:
Na mala pa mbaka syawe syoha.
32Apelike fula yawe fula ya maganga:
Na malambi ga mwoto pa nndima wawe.
33Na ayitowa mipelesa yawe kawili ni mikuyu yawe:
Na adumulamikongo pa mipaka yawe.
34Akite, ni hicha mapalasi:
Ni fingwawa pawaka kawalangiko.
35Naagalya linyasi lyoha lila lya yile pa nndima wawe:
Nafilya fipambiko fya lidupi lyawe.
36Naatowa wakutula mayenje kawili pa nndima wawe:
Wakutumbula wa mbufu syawe syoha.
37Na awapisa ni ndalama ni gold:
Na pawaka wakukuwala pagati pa misafi yake.
38Wahekalile Egupto pa kuwuka wombe:
Ndawa kudigida kwawe kuwagwilile.
39Atandike lifundi ngati nguwo ya kwifwika:
Nu mwoto kumulikila kilo.
40Waluwite, niyihicha ngwali:
Na awatupalise nu nkate wa Kunani.
41Adindwile lutala lwa kulama, na machi gapitite kwa mbafu:
Gabite payumu ngati nkuka.
42Ndawa alikumbukile lilowe lyake liwalafu:
Ni Abraham wakumhengela wake.
43Na awausa nnsafi wake ni kuyangala:
Na wala awahawile ni kulaluta.
44Na apela milima ya mihuko:
Na ayingila lipwela pa fila misafi watopela nafo.
45Nawuse wafilindilili fya fidumulano fyake, wakusigohe torah syake:
Mundumbaye Bambo.
Currently Selected:
Zaburi Sya Daud 105: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
