ລະບຽບພວກເລວີ 1
1
ເຄື່ອງເຜົາບູຊາ
1ພຣະເຈົ້າຢາເວໄດ້ເອີ້ນໂມເຊ ແລະ ກ່າວກັບເພິ່ນຈາກເຕັນນັດພົບ. ພຣະອົງໄດ້ກ່າວວ່າ, 2“ຈົ່ງກ່າວຕໍ່ຊາວອິດສະຣາເອນ ແລະ ບອກພວກເຂົາວ່າ: ‘ເມື່ອຄົນໃດໃນທ່າມກາງພວກເຈົ້ານຳເອົາເຄື່ອງຖວາຍແກ່ພຣະເຈົ້າຢາເວນັ້ນ, ຈົ່ງນຳເອົາສັດໂຕໜຶ່ງຈາກຝູງງົວ ຫລື ແບ້ ແລະ ຝູງແກະເປັນເຄື່ອງຖວາຍ.
3“ ‘ຖ້າເຄື່ອງຖວາຍເປັນເຄື່ອງເຜົາບູຊາຈາກຝູງສັດ, ຈົ່ງນຳເອົາສັດໂຕຜູ້ໂຕໜຶ່ງທີ່ບໍ່ມີຕຳໜິ. ພວກເຈົ້າຕ້ອງນຳມາຖວາຍຢູ່ທີ່ທາງເຂົ້າເຕັນນັດພົບ ເພື່ອວ່າສັດນັ້ນ#1:3 ຫລື ຜູ້ນັ້ນຈະເປັນທີ່ຍອມຮັບຕໍ່ພຣະເຈົ້າຢາເວ. 4ໃຫ້ພວກເຈົ້າວາງມືລົງເທິງຫົວຂອງສັດທີ່ໃຊ້ເປັນເຄື່ອງເຜົາບູຊານັ້ນ, ແລ້ວເຄື່ອງບູຊານັ້ນຈະຖືກຮັບໃນນາມຂອງພວກເຈົ້າເພື່ອລົບບາບແກ່ພວກເຈົ້າ. 5ໃຫ້ພວກເຈົ້າຂ້າງົວເຖິກໂຕນັ້ນຕໍ່ໜ້າພຣະເຈົ້າຢາເວ, ແລ້ວບັນດາປະໂລຫິດ ເຊິ່ງເປັນລູກຊາຍຂອງອາໂຣນຈະນຳເອົາເລືອດມາຊິດໃສ່ຂ້າງແທ່ນບູຊາຢູ່ທີ່ທາງເຂົ້າເຕັນນັດພົບ. 6ໃຫ້ພວກເຈົ້າລອກໜັງຂອງເຄື່ອງເຜົາບູຊານັ້ນ ແລະ ຕັດເປັນຊິ້ນສ່ວນ. 7ບັນດາລູກຊາຍຂອງອາໂຣນຈະດັງໄຟຢູ່ເທິງແທ່ນບູຊາ ແລະ ລຽງຟືນໃສ່ກອງໄຟນັ້ນ. 8ແລ້ວພວກລູກຊາຍຂອງອາໂຣນຜູ້ທີ່ເປັນປະໂລຫິດຈະລຽງຊິ້ນສ່ວນຕ່າງໆ, ລວມທັງຫົວ ແລະ ໄຂມັນໃສ່ກອງຟືນທີ່ກຳລັງລຸກໄໝ້ຢູ່ເທິງແທ່ນບູຊາ. 9ໃຫ້ພວກເຈົ້າລ້າງເຄື່ອງໃນ ແລະ ຂາງົວດ້ວຍນ້ຳ ແລະ ປະໂລຫິດຈະເຜົາເຄື່ອງເຫລົ່ານັ້ນທັງໝົດເທິງແທ່ນບູຊາ. ນີ້ຄືເຄື່ອງເຜົາບູຊາ, ອາຫານບູຊາ, ເປັນກິ່ນຫອມທີ່ພຣະເຈົ້າຢາເວພໍໃຈ.
10“ ‘ຖ້າເຄື່ອງຖວາຍເປັນເຄື່ອງເຜົາບູຊາຈາກຝູງສັດຈະເປັນແກະ ຫລື ແບ້ກໍໄດ້, ພວກເຈົ້າຕ້ອງຖວາຍສັດໂຕຜູ້ທີ່ບໍ່ມີຕຳໜິ. 11ໃຫ້ພວກເຈົ້າຂ້າສັດນັ້ນທີ່ດ້ານເໜືອຂອງແທ່ນບູຊາຕໍ່ໜ້າພຣະເຈົ້າຢາເວ ແລະ ບັນດາລູກຊາຍຂອງອາໂຣນ ເຊິ່ງເປັນປະໂລຫິດຈະຊິດເລືອດຂອງສັດໃສ່ຂ້າງຂອງແທ່ນບູຊາ. 12ໃຫ້ພວກເຈົ້າຕັດສັດເປັນຊິ້ນສ່ວນ ແລະ ປະໂລຫິດຈະລຽງຊິ້ນສ່ວນເຫລົ່ານັ້ນລວມທັງຫົວ ແລະ ໄຂມັນ, ວາງເທິງຟືນທີ່ກຳລັງລຸກໄໝ້ເທິງແທ່ນບູຊາ. 13ໃຫ້ພວກເຈົ້າລ້າງເຄື່ອງໃນ ແລະ ຂາດ້ວຍນ້ຳ ແລະ ປະໂລຫິດຈະນຳເອົາສິ່ງເຫລົ່ານັ້ນທັງໝົດມາເຜົາເທິງແທ່ນບູຊາ. ນີ້ຄືເຄື່ອງເຜົາບູຊາ, ອາຫານບູຊາ, ເຄື່ອງບູຊາທີ່ມີກິ່ນຫອມທີ່ພຣະເຈົ້າຢາເວພໍໃຈ.
14“ ‘ຖ້າເຄື່ອງບູຊາແກ່ພຣະເຈົ້າຢາເວນັ້ນແມ່ນເຄື່ອງເຜົາບູຊາທີ່ເປັນນົກ, ໃຫ້ພວກເຈົ້າຖວາຍນົກເຂົາໜຶ່ງໂຕ ຫລື ນົກກາງແກໜຸ່ມໜຶ່ງໂຕ. 15ປະໂລຫິດຈະຕ້ອງນຳເອົານົກມາທີ່ແທ່ນບູຊາ ແລ້ວບິດຄໍນົກ ແລະ ເຜົານົກນັ້ນຢູ່ເທິງແທ່ນບູຊາ; ສ່ວນເລືອດຂອງນົກນັ້ນຈະຕ້ອງໄຫລລົງມາຂ້າງແທ່ນບູຊາ. 16ແລ້ວປະໂລຫິດຈະເອົາໜຽງ ແລະ ຂົນອອກ#1:16 ຫລື ກະເພາະ ແລະ ຂົນນົກອອກ ໃນພາສາເຮັບເຣີຄຳນີ້ມີ ຄວາມໝາຍບໍ່ຊັດເຈນ ແລ້ວຖິ້ມລົງດ້ານທິດຕາເວັນອອກຂອງແທ່ນບູຊາບ່ອນທີ່ມີຂີ້ເຖົ່າ. 17ປະໂລຫິດຈະຕ້ອງຈັບປີກທັງສອງຂ້າງພືອອກ, ໂດຍບໍ່ໃຫ້ຂາດອອກຈາກກັນ ແລ້ວປະໂລຫິດຈະເຜົານົກເທິງກອງຟືນທີ່ມີໄຟກຳລັງລຸກໄໝ້ເທິງແທ່ນບູຊາ. ນີ້ຄືເຄື່ອງເຜົາບູຊາ, ອາຫານບູຊາ, ເປັນກິ່ນຫອມທີ່ພຣະເຈົ້າຢາເວພໍໃຈ.
Currently Selected:
ລະບຽບພວກເລວີ 1: LCV
Highlight
Copy
Compare
Share
Want to have your highlights saved across all your devices? Sign up or sign in
Holy Bible, Lao Contemporary Version™| © 2023, 2025 by Biblica, Inc.|
Used with permission. All rights reserved worldwide.© 2023, 2025 by Biblica, Inc.
