Hósea 13
13
Oyðandi vreiði Guðs um ranga gudsdýrkan
1Tá ið Efraim talaði, gekk ræðsla á menn; tá var hann høvdingi í Ísrael; men av Báals ávum gjørdi hann seg sekan og doyði. 2og nú halda teir áfram at synda og gera av silvuri sínum stoyptar myndir í guda líki, alt samalt verk av listasmiðum. Teir bjóða at ofra til teirra, og at menn skulu kálvar kyssa. 3Tí skulu teir vera sum skýggj á morgni, eins og døggin, ið snimma hvørvur, sum sáður, ið fúka av treskivølli, og sum roykur upp gjøgnum ljóara. 4Og eg eri Harrin, Guð tín alt síðan í Egyptalandi; annan Guð enn meg kennir tú ikki; og eingin frelsari er til uttan eg. 5Eg goymdi at teimum í oyðimørkini, í brennandi heita landinum, 6tey gingu á beiti og ótu seg mett; men av mettu teirra gjørdist hjarta hástórt; tessvegna gloymdu tey meg. 7Tí varð eg teimum eins og ljónið, eins og pantarin á loynum við vegin; 8eins og bjørnin, ið mist hevur ungarnar, ráðist eg á tey og skræði bringu teirra sundur; har skulu tey verða etin av hundum, og villdjórini skulu slíta tey sundur.
Kongsdømið skal einki hjálpa
9Hvar skalt tú, Ísrael, fáa hjálp, tá ið tín undirgangur kemur? 10Hvar er nú kongurin, ið skuldi hjálpa tær, og teir høvdingar, ið skuldu veita tær rætt? Um teir tú eina ferð segði: «Gevið mær kong og høvdingar!» 11Nú eg gevi tær kong í vreiði míni og taki hann aftur í bræði míni.
Eingi ráð fyri frelsu
12Misgerð Efraims er samanballað, væl goymd er synd hansara; 13føðingarverkirnir komu á hann, men hann var óvitur sonur; tó at føðingarstundin var komin, varð hann verandi í burðarliminum. 14Eigi eg tá at loysa tey úr Hel og bjarga teimum frá deyða? Nei, deyði, hvar eru drepsóttir tínar? Hel, hvar eru sjúkur tínar? Várkunn er fjald fyri eygum mínum, tí at hann er óhyggið barn.
Sámária
15Eystanvindurin, stormur Harrans, ið rísur úr oyðimørkini, skal koma, so at lindirnar torna upp, og vatnið í keldunum trýtur; allar dýrgripir úr goymslum hansara skal hann ræna. 14,1 Sámária skal gjalda tess, at hon reis upp ímóti Guði sínum; fyri svørði skulu teir falla; børn teirra skulu verða smildrað, og kviðir teirra burðarbúnu uppsprettir.
Currently Selected:
Hósea 13: FB
Highlight
Share
Compare
Copy
Want to have your highlights saved across all your devices? Sign up or sign in
©1961 Bibelselskabet, The Danish Bible Society
