Kanta 91
91
Kanta 91
Ti Diyus Kanta Manug-alaga
1Una si unu ti magpangulian sa arani Kaabwat-abwatan pag Diyus Makapangyarihan alagaan siya.
2Sumabi siya#91:2 siya: Imaw inda sa Septuagint hanggan sa Syriac, dapat sa Hibriyu, aku. sa Panginuun, “Kawu kang darangpan ag matibay pag paratag-an.
Kawu kang Diyus kang pagsarigan.”
3Pihu gid iribri niya kawu sa manga suduk hanggan sa ikamatay pag manga durungugun.
4Dahanan niya kawu parihu sa pag-alaga manuk sa kay manga butu sa sirung niya manga pakpak.
Sa kay katapatan, ingatan niya kawu ag apinan.
5-6Balaw kawu madala sa manga kaladalaan, sa ugyung manga kalaban, sa manga durungugun, ag manga sarut magras-ug sa yabi ngatay sirang.
7Una linibu ka manga tawu ti magkaramatay sa kanmu sangput, balaw kawu maunu.
8Makitan nimu nu kabitay pagparusahan ti daut pag manga tawu.
9Dahil binwat nimu darangpan ti Panginuun, ti Kaabwat-abwatan pag Diyus, imaw ti manug-alaga,
10unman may kadautan ngatay sarut rumas-ug sa kanmu ngatay sa kanmu magtal-anakan.
11Dahil suguun Diyus kay manga anghil hampay alagaan kawu una naan kawu tabug.
12Bahitun kawu nida hampay balaw mabiyagan kanmu lulud sa batu.#91:12 Bahitun ... batu: Kay ibug sabihun, Dahanan kawu nida hampay balaw kawu maunu.
13Tat-an nimu ti manga liyun hanggan ti madalit pag manga ulay.
14Magkun ti Diyus, “Iribri niku ag alagaan ti magmahal ag magkilala gid sa kangku.
15Nu mandangup siya sa kangku, sagtun niku siya;
nu udas may kakurian, ibahan niku siya;
iribri niku siya ag pakan-an kadayawan.
16Pakan-an niku siya aba pag buhi,
ag ipakakit niku sa kanya kang pagribri sa kanya.”
Currently Selected:
Kanta 91: HNN
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
