Kanta 92
92
Kanta 92
Manga Kanta sa Pagdayaw sa Diyus
Ti kanta para sa Sirang Pamahari.
1 Panginuun Kaabwat-abwatan pag Diyus, mayad gid ti magpasalamat ag magkanta manga pagdayaw sa kanmu.
2Mayad gid ti magtultul sirang yabi tungkul sa kanmu pagmahal ag katapatan,
3pagkaskasan manga pamatunug may manga bakyang.
4Dahil pinasulung nimu aku, Panginuun, sa panab-anan nimu makadululaw pag manga buwat.
Dahil sa kanmu manga binwat magkanta aku sa kabayaan.
5 Panginuun, makamaskihan kanmu manga binwat!
Balaw nimi masalman kanmu naisipan.
6Balaw masalman manga kurang kay intindi ngatay manga maganit kay ulu,
7una mag-alwan ti manga daut parihu sa ilamnun magtubu, rurisun sida sa unman may katapusan.
8Dapat kawu, Panginuun, abwat sa tanan sa unman may katapusan.
9Pihu gid ti tanan nimu daut pag manga kalaban magkarawayak ag magkaramatay.
10Pinakan-an nimu aku kabisugan parihu sa kabisugan simarun pag baka,
ag pinakan-an nimu aku kabayaan.#92:10 pinakan-an ... kabayaan: sa Hibriyu, pagpayidan aku marinu pag kalasi lana.
11Nasaydan niku ag nakitan ngapu ti pagkatalu niku daut pag manga kalaban.
12Ti manga matadlung mag-alwan ga manga palma maglangba,
ag rumig-un sida parihu sa manga kayu sidru sa Libanun.
13Parihu sida sa manga kayu itinanum sa Balay Panginuun nita Diyus,
14maglangba ag magburak di una gurangun yi,
ag parargu maglangba ag magrig-un.
15Pag-ipakakit lang inda matadlung ti Panginuun kang palalan-iban pag batu;
unman gid may kadautan sa kanya.
Currently Selected:
Kanta 92: HNN
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
