Penameyaya ei 8
8
Ande rudule wia ei mendane kina laapo ei
1Ande Sipisipi mename ande mendane kina laapo pa rudule wia ei rakepe rumbaya dinare so Epeni nane pa peao naarele rupara olemole raayo e lorarimi. 2Go au pumare ande Godena lee rona ao-aeme eindiolonu raayo mendane ki pereya laapo andawa. Nimumi bu kenange mendane ki pereya mendana laapo siambao pame.
3-4Go ei ando puma eindiolo menda alinau pulame pereaya lena repara epa aripa ei ando pawa. Nipuna ki parare ande roropo pi ripanenu Gode repara kiruma aloaeme ale piri ale epa siamba aripa. Go alere golome wari ale. Go eindiolo nipuri go roropo pi repana kera ora andapupe alameya. Go alere ande Godena wenaalina yainya puaeme ei rapu aperalia. Gupuma monde seana lee rona wia golome wari aloda mandaa suma Gode repara adea. Ande roropopi ale keremenda epa londore Godena wenaalina yainya rapu Gode repara pu siaripa. Go ale lapo raida ande Godena lee rona aya eindiolona ki parayame epa. 5Go ei andoma pirano lomare ande eindiolo alimi ande roropopi ale suae kopo mea. Gupuma monde alinau pulame pereaya lena mandaa repana lenga mumare no su naneyame loparipa. Go au pa dinare rurupi ora andaai lumare repana rekele pupa. Gupuma su momoni ora andaai pupa.
Ande eindiolo alinumi nimuna bu kenange liia ei
6Ambiare ande eindiolonu mendane ki pereya mendana laapo alinumi nimuna bu kenange duameya lele puma arimi.
7Ririna eindiolome nipuna bu kenange liia dinare repana raloaya ei pange aisi yai pange wee rapu aperaoma epa suna epa lopa. Ande suri repo rekele puma mendane rekelepenanare noma pange repananu raayo roma rumba.
8Go au pumare ande laapopa eindiolome nipuna bu kenange lu pa. Go au pa dinare kana rumumi ande ale menda repana ralo ralo siae nai none ipa lee para loparipa. Ande ipa pange repo rekele pumare rekelepena mendare wee alupa pua. 9Go ipa para pirameya pa piri alenu raayo komame. Gupuma mo ipa mandaa pamuameya kawasonu ora andaainu pange onge einu raayo ma-koyaripa.
10Go au puma pirinare ande repopa eindiolo nipuna bu kenange liia. Kumba danga ora andaaipe wedambi leale rala rala ipuma ande onge ipasinu repo rekele puma suma mendane rekelepena manda lopa pange pa ipulu piri ipanu mandaa lopa. 11Monde lopa kumba danga nipuna biri Reropia. Monde ipa repo rekele puma rekelepena mendare raayo ora reropu rumbaya. Go ipa name wenaali andapu komame. Akepeare mo ipa ora reropu rumbaya.
12Go au pa dinare ande malapu eindiolome nipuna bu kenange liia. Go bu kenange liia dinare ande naare pange nipuna ro ayande rupa naare pa peao pu ra. Sumba pange kumba danga laapo raida mendaa au pa.
13Go einu andoma pirano yaa ida yama menda so yaa ro puaripa yaa mendame gupi la ei pangawa. Apa ni paala ae, apa ni paala ae, lama lama pa. Monde eindiolo repome bu kenange dimi dinare go suna aeme repaame ree deme pange koae yandanu andeleme la ei pangawa.
Currently Selected:
Penameyaya ei 8: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
