Penameyaya ei 15
15
Eindiolo alinumi koae yanda ma-andaya ei
1Gupuma neme so yaa para ora andaapare au menda andawa. Eindiolo mendane ki pereya laapo andawa. Nimumi koae yandanu ma-andape alenu mendane ki pereya mendana laapo siamba arimi. Go koae yandanuri ora pereyada einu. Go alenuri Gode nipuna rono pangala ei pereyada ei manda meaya ei.
2Gupuma ipaleme ande galasi repana lenga rapu aperaoma wia ei andawa. Neme ande rarane ale pange nipuna manda meaya ale pange ande namba reali nimu repo lu rambuae wenaali raayo andawa. Nimuri ande monde ipame ande galasi yamo rumbe alena reena arimiya. Gupuma nimumi pualonu pange yaisanu luame alenu Godeme alea ei siamba arimiya. 3Nimumi Mosesi ande Godena pupudengi nao-ae alimi lisaya yaisa pange ande Sipisipi menasimi lisaya yaisa liado arimi. Go liame yaisare gurupa.
Reali Gode neere ora puri waru pade Gode
neeme pele aunuri ora epelea pange ora andaa aunu.
Andasu raayosina Kini ali ale.
Nena aunuri ora rendepona aunu.
4Reali nena biri raayome paalame komalo ara minyasialimi.
Wenaali raayome neere ora andaa Gode deme.
Neere ora yaakopi Gode.
Andasu raayome nee para panda punyaoma yainya pilimi.
Akepeare nena rendepona aunuri raayome andeme.
5Go ei andomare so epeni anda pora lomba ei andawa. Gupumare ande Gode ao-aya ria andasi andawa. 6Ande mendane ki pereya laapo eindiolonu mo Gode repara alinau puaeme anda para aoma epame ei andawa. Nimumi ande koaeyandanu ma-andape alenu komea komea lo ripinyameya. Nimuna akana auri yaakopu rumbaya. Gupuma nimuna akonare golome wari alenu yamameya. 7Go au puma ande pa piri ale mendame ande eindiolonu golome wari alenu komea komea lo alame. Go koponuna rupara Gode ande na-kome pa ao-ae ali nipuna rono pangala ei piri ale. Go kopo Godeme suna aeme wenaali para kodea. 8Ande alinau puaeme andare londome korao rumbaya. Go londore ande Godena paa pi puri rapu aoma. Menda no para kondo pambape-na-ya. Monde eindiolo alinumi siamba arimi koae yandanu raayo pereyoma werepe manda kondo pambalimi.
Currently Selected:
Penameyaya ei 15: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
