Penameyaya ei 10
10
Ande eindiolo pange ande onge okopuma wi pepa
1Go einu andoma pirano lomare puri waru pale eindiolo ali menda epeni naneyame aoma epa ei andawa. Nipuri koaame koro rumbaya pange aisapaku nipuna kalu mandaa siaya. Nipuna lee angaare naareme andaya pange nipuna angere kalo ae repana lengame andaya. 2Nipuna kina onge pepa okopuma sia aripa. Nipuna popeke nane ange ipana loparipaya. Gupuma nipuna koaeya nane angere su nane loparipa. 3Gupuma nipumi laioni yananumi loaeme rupa andapu angele la. Nipumi angele loma ainya ande mendane ki pereya mendane laapo rurupinumi waa loma lame. 4Nimumi angele loma pereyado ainya neme wape pulame palano loma so epeni naneyame mendame angele lanealo ara gupi la. Aponde mendane ki pereya mendana laapopa rurupinumi lamende angele wape na-pi kundiri pape la.
5Gonde pangoma pirano loma ande suna pange ipa mandaa ange lopaoma aripande eindiolome nipuna popeke ki so epeni naneyame wili mandaa mealuame minyasiaoma aripa ei andawa. 6Godere na-kome pa ao-alia. Nipumi epeni pange su pange ipa andaai pange go alenu raayo nipumi warea. Go Godena lee rona ara ande eindiolome gupi la. Godeme nipuna pula kone suma pula pea eiri wala na-maisambao pidia. 7Go peapare ande mendane ki pereya mendane kina laapopa eindiolome nipuna bu kenange diiandare gore Godeme nipuna pinya kone suma kundiri pea einu ora pilia. Poropedi alinu ande nipuna pupudengi noaeme alinu andalo loaya aunu ora pilia la ei pangawa.
8Gupuma ande epeni nane angele landa pangawa alimi ni para gupi la. Monde lomboma wi pepa ande suna ipana ange lopaoma aya eindiolo alimi apo siamba ayale pua mea la ei pangawa.
9Monde lande ei pangoma ande pepa mula puawapare mo eindiolome ni para gupi la. Muma na la ei pangawa. Nena lo parare ora rero pilia la. Go peapare nena kambulu parare ora rende pilia la.
10Nipuna ki para ande pepa muma nawa. Gupuma nina angaa para ora rende andaai pa. Go peapare wala yolo niaripu dinare nina lo para rero pa. 11Gupuma Godeme ni para lalore gupi la. Andayaya pange angele rando rando lea repaa para pange ruru rando rando para pange kini ali rando randonu repara pula pea aunu lari pamuape la ei pangawa.
Currently Selected:
Penameyaya ei 10: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
