Kolosi 2
2
1Neme nimi go angele la giano. Neme nimina pange Laodisia anda para aeme Keriso wenaalinu para pange ni waru na-andeme repaa raayo rambamulame pupudengi ora waru noayo. 2Neme go au pe eiri nimina pange nimuna pu konenu puri ma-palaluame pange pu alo lolo pia au niminya pange nimuna runane winyaya peae. Nimi pange nimu ora epe koneme rumbilinaya. Gupuma nimina pange nimuna kone waru rulaeme einu puri palena. Gupuma nimi pange nimu Godena kundiri aunu kone sialiminya. Go kundiri aununa ree nipuri Yesu. 3Yesu nipumi Godena aunu pange nipuna su rekele pea konenu raayo penameyao walea. Godena aunu pange konenuri amo alenu manda.
4Ali menda apimi nimi yayapi angelenumi nimina konenu na-lekeyainya dapape. Ora angele le nono pinya pange kou wadapape. 5Ni nimi rapu na-ayopare nina konere nimi rapu aya. Nimi Yesu repara puri paloma aoma kone rulaemenda ni rana ora waru pia.
Yesu rapu runaoma endoaya ei meaminya
6Nimiri Reali Yesu ambala apo anda memendare nipu rapu ao-paidapape. 7Repana pida su para ma-punyaoma aya rupa manda nimi pange Yesuna runane pida ma-punyaoma alepape. Anda pange puri pale pingina aoma aya rupa nimi pange Yesu mandaa alepape. Ande naame walamande Godena Epe Angele para kone waru rilaoma alepape. Gupuma naare raayo Gode para ranae angele lala pipape.
8Nimi waru andere-alepape. Mendane alinumi nimi makirado ara ree na-wi yayapi angele lapanaya lalo. Gurupa alinumiri ambaisana aya kasuanuna angelenu lo ara dame pange go suna wia koae koae angelenu lo ara dame. Nimu Yesuna angele na-lao-aeme. 9Akepeare Godena aunu raayo Yesuna rupara rumbilia. 10Nipuna ruparare nimi ora endoaya ei meme. Yaa nane andere pimi remonu raayo nipumi lu rambuaya.
11Nipu rapu runaemendare ora do yongale rungudame aunu nimimi meme. Go auri alimi mandaa nane dona pi ei dia. Yesuna aumiri ande ambala ao-arimande aunu raayo apo pereyaemanda. Go auri ora yongale runguda au. 12Baparaisi au meame eimiri nimi Yesu rapu raminyeke pame. Gupuma nipu rapu ali dapana dapa pamende. Godeme Yesu wala ma-rekaripande purina kone rulaeme. Go einare baparaisi au meme eimiri Yesu rapu nimi wala ma-rekaya.
13Ambala nimi koae koae aunu puarimi eimi pange nimiri Isaraelimi na-mandu rangala pae repaa arimi eimi nimi lu ma-komao-aripa. Go peapare Godena Naki Yesu nipuna rupara nimi wala ma-endaya. Naana koae koae aunu raayo Godeme pane meaya. 14Ande Rudule Angelenumi naa ma-alupaluame rapame. Go pamepare Yesu ekeraisa wape pi repanana komisaya eimiri go Rudule Angeleme naa koso lala pa einu raayo ma-rumbisaya. 15Nipumi go au pisaya eimi ande andere pimi remonu raayona purinu raayo lu rambuaisaya. Ande ekeraisa wape pi repanana Yesu lu andiaisimiya eimiri go andere pimi remonu raayo nimuna purinu lu rambuaisaya. Gupuma nimu wenaali lee rona pa ale menda na-pi repaa ma-aulaisaya.
16Go einare nimi ali mendame nimina naleme endanuna pange nimina koro pimi naarena pange go sumbanare go au puaema sumba lo-aeme einu repara angele mendame na-lena dapape. 17Go aunuri ora ale werepe nane epola pea alenu walalo ara pisimiya. Go ora alere Yesu ambala ipisande eina lameya. 18Ali mendame upame ale menda andawa loma nimi lu rambualuame rapeleandare gore nimi na-lu rambuainya dapape. Go alimiri wenaali para kalu andainyaoma pa muma eindiolo alinu repara yainya pipape loaeme. Gurupa alimiri nipuna pu rombame papana da au pulu ara pia. Gupuma nipumi ako lambi dia. 19Gupi alimi Yesu naana kalu ali na-sia aya. Yesu go kalu alimi ki ange do raayo para enda aloaya. Go einare donu raayo Godena purimi ma-puri palao-aya.
20-21Yesu rapu komo diaya mandare go suna koae koae aunu raayo giaeme. Go suna alinu leale akepea pa ao-paluaemepae. Nimi go mendame lalo ara go ei na-warape go ale na-nape go au na-pape angele loaeme eiri akepea pangoaemepae. 22Go dame angelenu raayo pilimindare ale menda na-opelea. Go angelenuri pa suna alinuna angelenu. Yaa nane Godena angele dia. 23Gurupa angelenuri monde eindiolo alinu repara yainya pape eina ma-suriyao-aya pange kalu andainyaoma pamuape eina pange do rendaa ale aunu waloaeme. Naana lee ronare gurupa angelenuri ora epelea kone wima. Go peapare go aunu raayo yayapi aunu. Go peapare gurupa angeleme naana ambalana aunu na-epe alia.
Currently Selected:
Kolosi 2: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
