2 Pida 3
3
Reali ora wala epea lea ei
1Nina amenuo, ambia go wape pi ramayore nina rana laapo pa ramayo nimi repara apo wape pinda. Go ramayo laapo raidipuna nimi ora epe konenu ma-sialuameyanda wape apo pinda.
2Nimi ande Godena poropedi alinumi loaisimiyande angele kone sialiminya pange ande Reali Yesu naana Rambamina angele ande aposolo alinumi lisimiya einu pange pangaliminya. 3Ririnare go angele ambala kone sialiminya. Werepe su yaa peredoameyanda pilia dinare mendane alinu nimuna dome rana pi aunu puae alinu ipumare gupi ero lala pi angelenu epa deme.
4Nimumi ero lala pulu ara gupi angele epa deme. Naana aya kasuanu pa komama komama peme deme. Olemole raayo ande su yaa kini pisaya dina puaya au pa go piale Yesu epelea lemendere ayapae deme.
5Nimumi go einu kone sumayapare gole giame. Ambaisena Godeme angele lisaya alena gole yaa ala popisaya. Gupuma su ipa rupara opoma ande ipa piru kopoliae para runa wisaya. 6Go pisayapare Godeme angele lisaya alenare gonde ambalana suri ipa piru kopoliaoma ipame muniaisaya eimi go para aisimiya alenu raayo perelisaya. 7Go peapare so yaa pange go su laapo raidipuna pange nipuna rupara aeme alenu raayo go Godeme lea mendaa angele gole repename ma-koyaluameyanda pa ao-ainya lea. Su yaa laapo raidipuna ande Godena angele kou waloaeme repaa epa rali pilia dina ma-koyaluameyanda pea.
8Go peapare nina amenuo, go ei komea kone waru sialepape. Reali reparare yapi di komeare kuni gipa daoseni manda pange daoseni kuni gipare yapi di komea manda. 9Reali nipuna pulameyanda wili mandaa mi aunuri ambe na-pia kone na-sialepape. Nipumi go ambe na-pi auri koneme gole pia. Nipuna ranare wenaali raayo Yesu repara wala epenayare pawa koneme gole mini mini pu pia.
Go su yaa laapo raidipuna peredea
10Ande Reali epola pea naarere pake nala ali manda epelea. Godeme so yaa ma-koyalia dinare ee ora andaai dea ei pangeleme pange nipuna runane pia alenu raayo repenana peredeme. Gupuma go su pange olemole raayosi ora peredea. 11Go alenuri gurupa pereda pea einare nimiri ake pi repaa alimipae. Nimi ora epe rendepona ao-paluma Gode nipuna rana pi rupa ao-paidapape. 12Go Godena naare epenaya maisambao piriri ambe epena ora epepe pupudenginu noalepape. Go dinare su yaa laapo raida ro rumbuma ipa yainyao pilia. 13Godeme wili mandaa mi angele lalo ara lalore nipumi pena su laapo walu pa lea. Ora epe aunu go para pualia. Naare go ale kome maisambao-aema.
Naame ora waru andere-ara Reali maisambao aminya
14Go einare nina yangosinuo, ora rondunu menda na-ae repaa ao-alepape. Godena lee rona go aunu pipape. Gupuma nipu rapu kuma puma mo Yesu epola pea naare maisambao alepape. 15Godere pu yokoria na-pamuaya. Go pea eiri nimi nipu repara wala epaliminyayanda anda panda gida kone sualepape. Naana ame Polome pange nimi repara gurupa angelenuna ramayo rapao-aripande. Godeme go nipuna kone waru su rangala paya eiri Godeme gole alea. 16Polo nipuna wape pea ramayonu mendaparenuri kone sialore ora rendaa waru pea. Go angelenu kone waru na-wimi repaame pange Yesuna aunu waru na-andeme repaame go angelenuna reenu kone na-wimi. Gupuma go angelenuna reenu wala ma-lekeyo-aeme. Godena angele wia bukana wia angelenu mendapare pange go aunu puaeme. Nimumi go aunu peme eimi gole monde wenaali rali pula pea dinare nimuna golere nimu rape kona ma-ademe.
17Go peapare nimi ora waru andere-alepape. Nimi go einuri ambala kone wimi. Go repaame dame angelenumi nimina kone rulaeme einu ma-kosapapana waru andere-alepape. 18Nimi naana Reali pange Rambami Ali Yesumi nimi pu gea einu pange nipuna aunu ando-ala peme rupa alepape. Naana Reali Yesu nipuna bi minyasiaminya pange ora werepenu pange pa minyasiari bainya. Go angelere ora lalo.
Currently Selected:
2 Pida 3: POLENT23
Highlight
Share
Compare
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
