1 Dioni 1
1
Endoaya ei angele lea ei
1Go endoaya angele ora ambaisena ririna ora pa aisaya. Naame naana leeme andoma pange naana kaleme nipuna angele pangama. Go eiri naana leeme ora andoma pange kimi wararima eina nipuna angele naame ora pangoma meama ei ambia go wadamanda. Go wadama Angelere ora endoaya ei wadama. 2Go endoaya eiri ambala ririna penameyaoma go suna epa aripa eiri naame nipu ora andama. Go eiri naame kone ora suma ora angele nimi para wadama. Go endoae angelere naare raayo ora epe rupa pa sualia. Ambala ririna nipuna Apa lapo aoma so yaa nane aoma go suna ipuma epa penameyaoma aripa eiri naana leeme andama. 3Naame nipu andoma nipuna angele ambala pangama. Go eiri naame kone suma nimi para nipuna angele wadama. Go eina nimina pumi raname komoma naa rapu raminyeke pa mendaa para aminya. Gupuma naa raayome Apa Gode para pange nipuna Naki Yesu para pange naana pumi raname komoma raminyeke puma aminya. 4Go angele naame wape pima eiri naame naana rana kome ei ora waru rumbialumbenaya laminyae.
Naame naare raayo paa pi eina aminya lea ei
5Go angelere naame nipuna angaa para pangama eiri naame nimi para go la gialemanda. Go eiri gurupae. Godere paa pi ei nipu para rimbale ei menda ora na-wia. 6Go peapare naame lalore, Gode para kone rulaoma ayo, loma naana angaame demapare naana pumi pange naana aumi rimbale para koae rupa ara demandare gore go naana dama angeleme naana angaa makirae angelenu pakama dama. 7Go peapare naame Gode nipu aya rupa paa pi eina alimandare mo paa pi ei rupa gore naana yangosina raayo para naana pu kone rulaoma raname komalolo puma alima. Go aunu ora pilimandare gore Godena Naki Yesuna weeme naana koae koae einu raayosi wamopu randepeala pula-ainya naame ora epe rupa alima.
8Go eina naame lalore, Ni repara ora koae einu menda na-wia, loma demandare gore go dama eimi naana pu para pange naana angaa makiradema. Go angelenu dama eimi ora Godena angele naana pu para na-pia. 9Go peapare naana koae koae einu raayo ora yalame komala ara naana Apa Gode para la alala ara kepedemandare gore Godeme naa ora na-gialia. Ora dia. Gode nipumi naa ora epe rupa wamo puma epeada ara naana koae koae einu pema ei nipumi kone na-wi kone rungulalia. Gupuma nipumi naana pema koae einu raayo wamo puma Yesuna weeme randepeala pula-ainya naamere ora kake pi wenaalinu alima. 10Go peapare naame lalore, Niri koae einu menda ora nape, demandare, gore go dama angelemere gore Godere pereke angele loaya Gode aya, loma dama. Go dama eimiri nipuna ora angelere naana pu para ora na-wia.
Currently Selected:
1 Dioni 1: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
