2 Dioni 1
1
1-2Go ramayore ni ande Keriso wenaalinuna kalu alimi wape pi. Gupuma go ramayo rapayo auri ande Ama wena nee para pange nena nongo nakinu nimi para wape pi. Ama neere Godeme ambala wenaali angalapuna muma yarepema ma-aya. Neme nimi para raname waru komoayo. Nimi para raname kome auri neme komea na-pepare ande Godena angele kone wimi repaame pange nimi para raname waru komo peme. Akepeare go Godena angelere naana rupara wia pange pa suari pelea. 3Gode naana Apame pange Yesu Keriso nipuna Si niipu laapome pakama yarame komala ei pange kuma pi ei nimi para ginya ae. Go eiri menda menda para pu ada auna pange Godena angele ora midame repaa repara go au pinya.
Ora ree angele para pu ada ei laapona angele lea ei
4Ande nena nongo nakinu mendapareme ande Apa Godeme pipape lea rupa ande ora angele raidame eina neme raname waru komalo. 5Go einare Ama wena nee para neme go angele lalo. Naame menda menda repara pu alololo paminya. Go eiri pena angele menda diayapare ande ambala ririna kini pulu ara Godeme pipape loma mana lisayande angele. 6Neme go yango repara pu alaminya loayo eiri ande Godena mana angelenu waru pangaminya loma lalo. Ora ande ambala ririna kini pulu ara nimimi pangame mana angelere go ei. Nimi raayo pu ada eina rupara ao-paidapape lea.
7Wenaali andapumi Yesuri ali aluma suna na-ipisaya loaeme. Go loaeme repaa su kuni alenda alenda para raayo apo aemenda. Gurupa wenaalinuri makirae angele dame repaa gonda. Gupumare nimuri Kerisona yanda runguli alinu go aemenda. 8Nimimi waru andere-alepape. Naana milima loma pupudengi namande ale alu papanayanda lalo. Go au na-piri nimimi yangi ora epe rupa mealiminyayanda lalo.
9Ali menda apimi Yesuna angele irulaoma na-ripinili pa angele menda pua yodeandare gore Gode nipu rapu na-aya. Yesuna angele siamba alia ali reparare Gode pange Yesu nipu rapu aya. 10Go einare go angele na-ma-epe pa angele menda ma-epelea ali nimina anda rupara na-epena dapape. Gupuma epepe angelenu pange na-dapape. 11Menda apimi gupi alinu rapu epepe angele deandare gore go ali nipu go ali rapu runaoma ara nipumi pia rupa koae aunu pipi.
Pereyado angele
12Neme nimi repara lape angele andapuyapare ramayona apo na-wape pinda. Neme nimina anda kimisu ipuma lee angaa para andalolo puma laminya. Go au naame pilimandare ora raname waru komelema.
13Nena akiri Godeme ambala mea. Go wenana si wanenumi paliape angele lanedame.
Currently Selected:
2 Dioni 1: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
