3 Dioni 1
1
1Go ramayo rapayo auri Gaiasi nee repara rapado. Neere neme raname ora waru komoayo. Go ramayo rapayo aliri ande Keriso repaana kalu alimi pi.
2Nina andamio, neeme pili aunu raayo epe eiri penayanda pange nee yainyanu na mi epe rupa ainyayanda pange nena yainya pao-ayo. Nena remore neme ambala kone wipare epe rupa aya. 3Keriso amenu mendapare ipuma nena Reali repara kone rulale ei epa lamenda raname waru komawa. Neere ora rendepona aunu pu palualende. 4Nina nongo nakinu nimiri ora rendepona aunu pu paluaeme leme ei pange dinare ni ora raname waru komoayo. Pa alenumi ni go rana komoayo rupa na rana ma-pao-aeme.
Gaiasimi epe pupudengi noaya
5Nina ame nena Keriso amenuna pupudengi nado arare ora epe rupa pao-ale. Go repaare lee wilinu para na-ande alinuna pange pao-ale. 6Go repaame go alena aema Keriso wenaalina lee angaana nena angele epa larimi. Go repaa nimuri Godena pupudengi nademele neeme nimuna pulumi porana pena neeme rambameape. Go au pi auri Gode rana ma-pala pe rupa. 7Akepeare nimumi Yesuna pupudengi nado porana penayandare angele na-mi alinumi rambameamepare giarimi. 8Naa Keriso wenaalimi go repaa rambameaminya. Go au pi auri ande ora ree angele nimumi pimi rupa naame pange rambamu walala paminya.
Daioderepisimi pape-nae au pea
9Neme apone aeme Keriso wenaali repara ramayo peao eisi wape pu raparipu. Go pawapare Daioderepisimi neme go lawa angele na-panga. Go ali nipuri go Keriso repaana kalu ali aluame rapoaya. 10Ni apo nane epola dinare go ali nipumi pea einu raayona epa angele doa. Nipumi nana angele laya einuna pange yayapi angelenu loaya eina pange epa angele doa. Nipumi go aunu komea na-papare nipumi nipuna anda para Keriso yangonu na-andamuaya pange Keriso wenaali mendapareme yangonu nimuna anda paranu karu milimiyandare sese puaya. Gupuma nipumi go Keriso amenu nimuna anda para andamidame repaare nimuna mombeame paranu na-pirinale ralu luaya.
Dimidiriusi nipumi epe aunu puaya
11Nina ame, koae aunu na-mongeape. Epe aunu puaya aliri Godena ali aya. Koae au puaya ali reparare Gode na-pia. 12Dimidiriusi nipuna angelere wenaali ambuname lao-aeme. Nipuna ora rendepona au pea eimi pange walea. Naame pange nipuna angele lao-aema. Naame dama angelere ora ei.
Pereyado angele lea ei
13Neme lape angelere andapuyapare gole nina ranare na-wape punu kone sialo. 14Neme nee repara andola kone sialo. Go dinare lee angaa para anda lolo puma angele lapana kone sialo. 15Kuma pi ei nee repara epena. Nee repara nena andaminu raayome paliape dame. Naana andaminu raayo para nimuna binu para pange paidapape dama.
Currently Selected:
3 Dioni 1: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.