1 Desalonaika 1
1
1Polo, Sailasi, Dimodi naa repome mo Desalonaika ree anda para aeme Keriso wenaaliri naana Apa Godena ei pange Reali Yesu Kerisona ei aemenda nimi para go ramayo rapadema. Godeme pumi yarame komea ei nimi para pakama ginya pange nimi para kuma pi ei ginyae.
Desalonaika ree anda aeme wenaalinu nimuna ao-paluaeme rupa pange nimuna kone rulaeme ei
2Naare raayo naamere nimi para kone siala ara Gode para yainya pula ara nimi yalalome Gode repara ranae angele loaema. 3Naame naana Gode pange, naana Apa repara yainya puaema naarenare go alena kone suaema. Nimina kone rulao-aeme einu puaemenda pange nimi pu adame eimi pupudengi waru naleme eina pange naana Reali Yesu Kerisome ora pilia kone suma ma-siamba-aeme ei irulaoma aeme ei pange naame kone waru suaema eina laloae. 4Amenuo, Godeme nimi para pumi yarame komoaya pange nimiri nipuna ei aliminyaya ambala yarepe muma ma-maya eiri naame kone sialema. 5Ande Epe Angelere naame nimi para ma-epamapare pa angele kama diayapare puri pale ei pange Yaakopi Sipiridi rapu ara go Epe Angelere ora ei kone suaema. Nimi rapu ara pala pamande aunu pange nimimi andame. Nimi epeape au pula ara pama. 6Naame pama au pange Realina au pange nimimi raluma ipula ara pameae. Rendaa andaai nala ara goleyapare ande Epe Yaakopi Sipiridimi nimi raname komoriada ainya nimimi Epe Angele meame.
7Go einare nimiri mo Masedonia Akaya andasu laapona arimiya Keriso wenaalinumi nimimi pimi aunu andoma pinyaya mongeriaisimiya. 8Ande Realina Angelere nimi para ipuma mo Masedonia Akaya laapo nane komea na-pisayapare nimimi Gode para kone rulaeme ei pange alenda alenda parasinu raayo paisaya. Go pea eina naame angele menda lape-na-ya. 9-10Go wenaali raayomere naame nimi andola epama dina nimimi naa andameame ei loaeme. Gupuma nimimi ande pereke pereke gode wapeme alenu minyapalaoma Gode para epeme eina pange loaeme. Go pame eiri ande ora endoaya Godena aunu koma pa aluame pange nipuna Naki Godena Aya Lena aoma epenayanda andere-aluame pameae. Go mendaa Naki Yesuri nipu komoma dapa para wisayapare Godemere nipu wala ma-rekaisayandare Yesu nipumi Godena rono pangala ei werepe naa para epapanaya naa rambameala ara pea.
Currently Selected:
1 Desalonaika 1: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
