མཇལ་ཁ། 1
1
1ཨོ་ཐ་མཇལ་ཁ་ཤོ་ ཡི་ཤུ་ཁིརིས་གི་གནང་ཁཱན་གི༌ལ། དོ་ཟོ་རང་ ཇུང་མེ་གི་ཁཱན་བ་ རོ་ཀ་གཡོག་པ་བ་ཀ་ གེན་ཉི་གནང་མེ་དེན་གེ་ དཀོན་མཆོག་གི་ ཡི་ཤུ་ཁིརིས་ག་ ཨོ་ཐ་མཇལ་ཁ་ གནང་མ་གི་ཝ༌ལ། ཉི་ཁིརིས་གི་ རོ་ཀ་ཞིང་ཁམས་ག་འཐེན་པ་ཀུན་ཏིན་ཐཱན་ རོ་ཀ་གཡོག་པ་ ཡུ་ཧན་ན་ག་ཏཱན་ ཨོ་ཐ་ཀོར་གེ་གསུངས་མ༌ལ། 2ཡུ་ཧན་ན་གི་ མཇལ་ཁཱན་ཐམས་ཅན་རང་ རོ་ཀི་འཛོམས་དཔང་ཨ་ཉི་གནང་མ༌ལ། ཉི་ཨུ་ཉུ་ཤོ་ དཀོན་མཆོག་ག་གསུང་དང་ ཡི་ཤུ་ཁིརིས་གི་གསུངས་ཁཱན་དང་ མཛད་ཁཱན་ག་ཀོར་གེ་གི་ཝ༌ལ། 3ཨོ་ཐ་ལུང་བསྟན་ག་ དཔེ་ཆ་ལྷག་ཁཱན་ སོ་ངོ་ཁེ་པ་ བྱིན་རླབས་ཅན་གི༌ལ། ཉི་ཨོ་ཐ་ལུང་བསྟན་ ཉཱན་ཁཱན་བ་དང་ ཨོ་ཐ་གེ་ཤོ་ཁཱན་བ་ སེམས་ཀ་ཐ་ཉི་ ཆ་གནས་ཐ་ཁཱན་བ་བུ་ བྱིན་རླབས་ཅན་གི༌ལ། ཧང་ཡ་དག་ནེ་ལ་ ཨོ་ཐ་བ་ ཇུང་མེ་ག་དུས་ཙུན་ རེན་པ་ཅ༎
ཆོས་ཚོགས་ཟུམ༌ག་ སྐུ༌གཟུགས་བཟང་པོ།
4ཨོ་ཐ་ཡི་གུ་ཁེ་པ་ ཨེ་ཤི་ཡ་ས་ཆ་ག་ཆོ་ཁཱན་ ཆོས་ཚོགས་ཟུམ་ག་ཏཱན་ ཡུ་ཧན་ན་གི་འབྲི་ཅ་གི༌ལ། གོ་མ་དང་ཨོ་མ་ ཉི་ཇུ་ཀེ་བུ་བཞུགས་ཁཱན་ དཀོན་མཆོག་དང་ རོ་ཀ་གསེར་ཁྲི་གུབ་ཀ་ཆོ་ཁཱན་ ཐུགས་ཉིད་ཟུམ་གི་ ན་ཧ་ཐུགས་རྗེ་དང་ སྐྱིད་པུ་གནང་ཆེན། 5ཉི་ཨོམ་ཆང་རང་ དམ་ཚིག་ཙུང་ཉི་ འཛོམས་དཔང་ཨ་ཉི་གནང་ཁཱན་ ཡི་ཤུ་ཁིརིས་གི་བུ་ ན་ཧ་ཐུགས་རྗེ་དང་ སྐྱིད་པུ་གནང་ཆེན། གཤགས་པ་གེ་ལོག་ཉི་བཞེངས་ཁཱན་ གོ་རང་ རོག་གི༌ལ། ཉི་འཛམ་གླིང་ག་ དཔོན་བ་ཀ་ཐུང་ཀེ་ དབང་ཁཱན་བུ་ རོག་གི༌ལ། ཨའི་ཕང་ཉི་ རོ་ཀ་སྐུ་ཁྲག་ག་ཐུང་ཀེ་ཨ་ཉི་ ཨ་ཧ་སྡིག་པ་གེ་ ཨའི་ཐར་ཉི་གནང་ཁཱན་ག་ བསྟོད་པ་ཐམས་ཅན་རང་ཕུལ་ཤོ། 6ཉི་རོ་ཀ་ དཀོན་མཆོག་དང་ ཡབ་ག་ཕྱག་ཞུ་ལེ་དེན་གེ་ རོ་ཀི་ཨའི་ བླ་མ་བ་ཀ་རྒྱལ་སྲིད་ ཅོད་ཉི་གནང་མ༌ཅ། ཉི་གཟི་བརྗིད་དང་ སྟོབས་དབང་ཁེ་པ་ དུས་ཏ་བུ་རང་ ཡི་ཤུ་ཁིརིས་ག་ཕུལ་ཤོ། ཨ་མེན།
7གོད་ཅོ་ རོག་མུག་པ་ཐུང་ཀ་ བཞུགས་ཉི་བྱོན༌ལ། ཐམས་ཅན་གི་ རོག་མཇལ་བེ་རེ༌བེ། ཉི་རོག་ཆུང་ཁཱན་བ་ཀི་བུ་ རོག་མཇལ་བེ་རེ༌བེ། འཛམ་གླིང་ག་སོ་ངོ་ ཐམས་ཅན་རང་ རོ་ཀ་ཡོར་ཀེ་གེ་ཕེ། ཉི་ཨོ་ཉེན་རང་ཇུང་ཆེན། ཨ་མེན།
8ཇང་ཤོ་ ཨལ་ཕ་དང་ཨོ་མེ་ག་#1:8 ཨལ་ཕ་དག་ཁཱན་ཤོ་ གིརིག་ག་ཡི་གུ་ ཐམས་ཅན་གེ་ གོ་མ་ཆོ་ཁཱན་ག་ ཡེག་ཅ་གི༌ལ། ཉི་ཨོ་མེ་ག་དག་ཁཱན་ཤོ་ གིརིག་ག་ཡི་གུ་ ཐམས་ཅན་གེ་ ཇུག་ཀ་ཆོ་ཁཱན་ག་ ཡེག་ཅ་གི༌ལ། གོ་དང་ཇུག་ ཉི་གོ་མ་ཆོ་ཁཱན་དང་ ཨོ་མ་ཆོ་ཁཱན་ ཉི་ཇུ་ཀེ་ཨུ་ཁཱན་དང་ ཤུགས་སྟོབས་ཆི་ལུ་ཆོ་ཁཱན་གི་ལ་དག་ཉི་ གཙོ་བོ་དཀོན་མཆོག་གི་གསུངས་ལ༎
སོ་ངོ་ག་ཟ་ག་མཇལ་ཁ།
9ཇང་ཤོ་ ན་ག་ཀོ་ཏ་ཡུ་ཧན་ན་གི༌ལ། ཉི་དཀའ་ཝ་ཅཱད་པེ་ག་དང་རྒྱལ་སྲིད་ ཉི་བཟོད་པར་སྒོམ་ཉི་ ཐེས་པེ་ཤེག་པ་ ཡི་ཤུ་ག་ཕྱག་ཞུན་ཅ་ཨ་ཉི་ ཇང་ཤོ་ ན་ཧ་ཇ་རོ་གི༌ལ། ཉི་ཇི་གི་ དཀོན་མཆོག་ག་གསུང་བཤད་ཉི་ ཡི་ཤུ་ག་ཀོར་གེ་ འཛོམས་དཔང་ཨ་ཝ་ཨ་དེན་གེ་ ཇང་མཚོ་བར་ཀ་ཆོ་ཁཱན་ ས་ཆ་པཱད་མོས་དག་ས་ག་ཆོ་ཝ༌ཅ། 10གཙོ་བོ་ག་ནོང་ཀ་ ཇང་དམ་པའི་ཐུགས་ཉིད་གི་ དབང་པ་ཆོ༌ཝ། ཉི་ཇ་ག་ཚིང་ལོ་ཀེ་ དུང་ཐེད་པ་པུརུས་ཀིན་ཨ་ཉི་ ཇི་གི་ཀཱན་ཆི་ལུ་ཐུར་ ན་ཐ༌ཝ། 11ནཱན་གི་ཐོང་ཁཱན་བ་འབྲི་ཐཱན་ ཆོས་ཚོགས་ཟུམ་ག་ཏཱན་ཀེ་ཤོ་དག་ཉི་ གསུངས་མ་ཆོ༌ཝ། ཆོས་ཚོགས་ཟུམ་ཤོ་ ཨེ་ཕི་སཱས་ ཨེས་མུར་ན་ པར་ག་མམ་ ཐི་ཨ་ཏྲི་ར་ སཱར་དིས་ ཕི་ལ་དེལ་ཕི་ཡ་དང་ ལའུ་དི་ཀི་ཡ་གི་ཝ༌ལ།
12ཨི་བི་གི་ ཇ་ག་གསུངས་ཅ་གི་ས་དག་ཉི་ གོད་པེ་དེན་གེ་ ཀོ་ལོ་ལོ་གིར་ཉི་ གོད་པ་ཀབ་ཉི་ ཇི་གི་ གསེར་ག་ག་ཙ་ཟུམ་ཐོང༌མ། 13ཉི་ག་ཙ་བ་ཀ་བར་ཀ་ གོད་པ་ཀབ་ཉི་ སོ་ངོ་ག་ཟ་ད་བུ་ཐུར་ཐིང་ཉི་ བཞུགས་པ་ཆོ༌ཝ། ཉི་རོ་ཀ་ནམ་བཟའ་གི་ དོང་ཞབས་ཀ་ནོག་པ་ཆོ༌ཝ། ཉི་རོ་ཀ་བཱརང་ཏོང་ཀོ་ལོ་ལོ་ གསེར་ག་དོ་གི་ཐིག་པ་ཆོ༌ཝ། 14རོ་ཀ་དབུ་དང་དབུ་སྐྲ་ཤོ་ ཤི་ཤ་ག་པུ་ད་བུ་དང་ ཕོམ་ད་བུ་རང་ བ་ལིང་མིན་ཆོ༌ཝ། ཉི་རོ་ཀ་སྤྱན་གེ་བུ་ མི་ད་བུ་རང་ འོད་ཆར་བ་ཆོ༌ཝ། 15རོ་ཀ་ཞབས་ཁེ་པ་ ཟངས་མི་ག་གོག་པ་ཀབ་ཉི་ འོད་ཆར་བ་ད་བུ་ཆོ༌ཝ། ཉི་རོ་ཀ་གསུང་སྐད་ཤོ་ རི་ཇོག་ཀེ་དོང་ རི་ཞུད་པ་ད་བུ་ཆོ༌ཝ། 16རོ་ཀ་ལ་ཉོང་ལོ་ཀ་ཕྱག་ཀ་ སྐར་མ་སྨིན་དྲུག་ཟུམ་ བསྣམས་པ་ཆོ༌ཝ། ཉི་རོ་ཀ་ཞལ་གེ་ ཉ་གེ་ཐ་གེ་རང་ ཡ་ཚེ་བུ་ཆོ་ཁཱན་ གི་རིང་ཤོན་ཆོ༌ཝ། ཉི་ངམ་གནམ་མེད་ས་མེད་ ཤུག་ཨན་ཚ་ལ་ཀབ་ཉི་ འོད་ཆར་བ་ད་བུ་རང་ རོ་ཀ་ཞལ་ཁེ་པ་ འོད་ཆར་བ་ཆོ༌ཝ།
17ཇི་གི་ རོག་མཇལ་བ་ཀབ་ཉི་ ཇང་ཤི་ཝ་ད་བུ་རང་ རོ་ཀ་ཞབས་ར་ག་ ཐང་ཉི་ཇོང༌མ། ཉི་རོ་ཀི་ ཇ་ག་ཐུང་ཀ་ རོ་ཀ་ལ་ཉོང་ལོ་ཀ་ཕྱག་ ཀེ་ཉི་གནང་ཐཱན་ གསུངས་ཆོ་ཝ་ ཡོང་མ་ཁེ་ ཇང་ཤོ་ གོ་དང་ཇུག་གི༌ལ། 18ཇང་ཤོ་ གསོན་པོ་ཨ་ཉི་ཆོ་ཁཱན་གི༌ལ། ཇང་ཤེབ་ཐུར་ཤི་ཝ་ཆོ༌ཝ། དག་པ་ཀབ་ཉི་ ཨོམ་གི་ནེ་ལ་ ཇང་ཤོ་ མ་འགྱུར་བརྟན་པ་ག་དེན་གེ་ གསོན་པོ་ཨ་ཉི་ཆོ་ལེ་གི༌ལ། ཉི་ཤི་སྲོག་དང་ ཤི་ཁཱན་བ་ཆོ་ས་བཱརང་ཀ་དེ་མེ་ཟུ་བ་ ཇི་གི་མེན་མ༌ཅ།
19ཨོ་ཉི་ཨ་དེན་གེ་ ནཱན་གི་ཐོང་ཁཱན་ཁེ་པ་འབྲི་ཤོ། ཨོ་མ་ཇུང་ཁཱན་བ་དང་ ཇུ་ཀེ་ཇུང་མེ་གི་ཁཱན་བ་འབྲི་ཤོ། 20ནཱན་གི་ ཇ་ག་ག་དང་ལ་ཉོང་ག་ཐོང་ཁཱན་ གསེར་ག་ ག་ཙ་ཟུམ་དང་ སྐར་མ་སྨིན་དྲུག་ ཟུམ་ག་དེན་ཐ་ཤོ་ ཨུ་ཐུ་གི༌ལ། སྐར་མ་སྨིན་དྲུག་ཟུམ་ཤོ་ ཆོས་ཚོགས་ཟུམ་ག་ ཞིང་ཁམས་ག་འཐེན་པ་བ་གི༌ལ། ཉི་གསེར་ག་ ག་ཙ་ཟུམ་ཤོ་ ཆོས་ཚོགས་ཟུམ་གི་ལ༎
Currently Selected:
མཇལ་ཁ། 1: TNTB
Highlight
Copy
Compare
Share
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
