དང་པ་ཐེ་ས་ལོ་ནི་ཀི། 3
3
རོག་ཏེ་བ་ཀ་ དད༌པ་དེན༌གེ་ སྡུག༌བསྔལ་ཨ༌ཝ༌ལ།
1ཨོ་ཉི་ཨ་དེན་གེ་ ཏི་ངེ་རང་ ཐེས་པེ་མར་བཱན་ ཨ་ཤི་མི་ཝ་ ས་ཆ་ཨེ་ཐེནས་ག་ ཨའི་ཨའི་ཏེན་རང་ལུས་ནེ་བུ་ 2ཨ་ཧ་ཀོ་ཏ་དང་ ཨའི་ཀབ་ཉི་ཏབ་ཐུར་ དཀོན་མཆོག་ག་ ཕྱག་ཞུ་ཉི་ ཁིརིས་ག་འཐེན་ལེག་པུ་བཤད་ཁཱན་ དཀོན་མཆོག་ག་གཡོག་པ་ ཏི་མོ་ཐི་ ན་ཧ་ནོ་ཝང་ཨ་ཉི་ ན་ཧ་དད་པ་ སྒྲིང་སྒྲིང་ཅོད་པེ་དེན་གེ་ ཨ་ཤི་རོག་ ནའི་ཆོ་ས་ག་ཀུན་ཏི་ཝ་གི༌ལ། 3ཧང་ཡ་དག་ནེ་ལ་ དཀའ་ཝ་ཅཱད་ཅ་ཨ་ཉི་ ན་ཧ་དད་པ་ མ་འགྱུར་ཆེན་དག་པ་གི་གི༌ལ། ནའི་ནའི་ཏེན་གི་བུ་སེན་ཅ་ ཨུ་ཐུ་ད་བུ་ དཀའ་ཝ་ཅཱད་པེ་ཁེ་ཁཱན་བུ་ ཨ་ཧ་ཚེ་ག་ དཀོན་མཆོག་ག་ ཐུགས་བཞེད་བ་ཀ་པོང་ཀེ་ ཐུར་གི༌ལ། 4ཉི་ཨའི་ ནའི་ཀབ་ཉི་ཆོ་ལེ་གང་ཀ་ ཨ་ཤི་ ན་ཧ་གོ་མ་གེ་རང་ ཡེག་པ་ཆོ་ཝ་ ཨའི་དཀའ་ཝ་ཅཱད་པེ་ཁེ་ལེ་དག༌ཉི། ཉི་ན་ཤི་སེན་ཅ་ ཨུ་ཉུ་པུརུས་ཀིན་ ཨ་ཉི་རང་ཇུང༌མ། 5ཨོ་ཉི་ཨ་དེན་གེ་ ན་ཧ་དད་པ་ཀོར་གེ་ བརྟག་དཔྱད་ཕི་ལེ་དེན་གེ་ ཐེས་པེ་རང་ མར་བ་ཨ་དེན་གེ་ ཇི་གི་ཏི་མོ་ཐི་ ཀུན་ཏི་ཝ་གི༌ལ། ཨུ་ཉུ་མ་ནེ་ལ་ བདུད་གི་བར་ཆད་ཕ་ཉི་ ཨ་ཤི་དཀའ་ཝ་ཅཱད་ཉི་ ཨ་ཁཱན་ལའི་ བ་ཏོང་དི་དུ་དག་ཉི་ མི་ཝ་ཆོ༌ཝ༎
ཏི་མོ་ཐི༌གི་ སེམས༌གསོ་ཨ༌ཝ༌ལ།
6ཨོམ་ ཏི་མོ་ཐི་ ཨའི་ཆོ་ས་ག་ལོག་ཐཱན་ ན་ཧ་དད་པ་དང་ སྙིང་རྗེ་ག་ཀོར་གེ་ འཐེན་ལེག་པུ་ཕ༌ཝ། རོ་ཀི་ཨ་ཧ་ཡེག་ཆོ་ཝ་ ན་ཤི་ ཨ་ཧ་དེན་གེ་ ཧ་ལ་རང་གི་ནེ་བུ་ ལེག་པུ་མི་ན། ཉི་ཨ་ཤི་ ནའི་རུ་མེ་ལ་མ་ད་བུ་རང་ ནའི་བུ་ ཨའི་རུ་མེ་ལ་མ་ལ་དག༌ཉི། 7ཨོ་ཉི་ཨ་དེན་གེ་ ཨའི་དཀའ་ཝ་ཅཱད་ཉི་ ནང་དོག་པེ་གང་ཀ་ ཧ་ལ་རང་གི་ནེ་བུ་ ན་ཤི་དོ་རི་རི་ཅོད༌པ། ཡུང་ཟི་བ་ ཨའི་དོ་རི་རི་དང་ ཤོ་ནང་ཕེ་ཝ་ཅོད་ཁཱན་ཤོ་ ན་ཧ་དད་པ་གི༌ལ། 8ཨོ་ཉི་ཨ་དེན་གེ་ ཨོམ་ ཨའི་སྡུག་བསྔལ་ ཧང་རང་མ་ཝ་ཨ་ཉི་ཆོན༌ཅ། ཧང་ཡ་དག་ནེ་ལ་ ནའི་གཙོ་བོ་ག་ སྒྲིང་སྒྲིང་ཆོ་ཝ་ཨ་དེན་གེ་གི༌ལ། 9ཨོམ་ཨ་ཤི་ ན་ཧ་དེན་གེ་ ཨ་ཧ་དཀོན་མཆོག་ག་ བཀའ་དྲིན་བསམ༌ཅ། ན་ཧ་ཡོར་ཀེ་ཨ་ཉི་ དཀོན་མཆོག་ག་ སྐུན་མདུན་ག་ ཨའི་ངལ་རངས་པེ་ ཉོང་པ་ཨ་དེན་གེ་ ཨ་ཤི་དཀོན་མཆོག་ག་ བཀའ་དྲིན་བསམ༌ཅ། 10ངམ་བི་ནང་མ་ཝ་ ནའི་ངོ་མ་ཨ་ཉི་ རུ་མེ་ག་གནང་ཤོ་དག་ཉི་ སེམས་ཀེ་ཨ་ཉི་རང་ དཀོན་མཆོག་ག་ཞུན༌ཅ། ཧང་ཡ་དག་ནེ་ལ་ ན་ཧ་དད་པ་ག་དེན་གེ་ ཚཱས་ཁཱན་བི་ལེ་དེན་གེ་གི༌ལ༎
ཆོས་ཚོགས༌ག་དེན༌གེ་སྨོན༌ལམ།
11ཨ་ཧ་དཀོན་མཆོག་དང་ ཡབ་རོག་ཏེན་གི་ ཉི་གཙོ་བོ་ཡི་ཤུ་གི་ ཨའི་ནའི་ཆོ་ས་ག་ ཨོ་ཕེ་དེན་གེ་ ལམ་ཟང་ཉི་གནང་ཆེན། 12ཉི་གཙོ་བོ་གི་ ན་ཧ་སྙིང་རྗེ་ ཐུར་དང་ཐུར་ག་དེན་གེ་ ཅོད་ཉི་གནང་ཆེན། ཉི་སོ་ངོ་ ཐམས་ཅན་ག་དེན་གེ་ མང་པུ་རིན་ཆེན། ཉི་ཨ་ཧ་སྙིང་རྗེ་ ན་ཧ་དེན་གེ་ཆོ་ཁཱན་ ད་བུ་རང་རིན་ཆེན། 13ཨོ་ཐེན་ཨ་ཉི་ གཙོ་བོ་ཡི་ཤུ་ རོ་ཀ་དམ་པའི་སོ་ངོ་བ་ཀབ་ཉི་ བྱོན་མ་ཀབ་ཉི་ ཨ་ཧ་ཡབ་དཀོན་མཆོག་ག་སྐུན་མདུན་ག་ རོ་ཀི་ ནའི་སྒྲིང་སྒྲིང་ཅོད་གནང་ཉི་ ཅོན་ཏག་པེ་མར་ཁཱན་དང་ དམ་པ་ཅོད་ཉི་གནང༌མེ༎
Currently Selected:
དང་པ་ཐེ་ས་ལོ་ནི་ཀི། 3: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
