SAKARI Kalge ɓil kefder seno
Kalge ɓil kefder seno
Ti faage ɓe à de hay kaŋ ɗúu ne kefder mani Sakarin ga kefder kaŋge ɗiggi ti Baa. Sen diŋ werga á kaŋ nen naa ti ɗiggi maga jar Israyel joŋ wo nen naa nen go de kaŋge de woore taʼ ti wurpo mono. Kefder mani Sakarin de car ɓil taɗ taɗ ɓoge :
Ma taŋgun, (ma kluuri 1—8) wãã wããre ne naa ti kiŋgi ma 520—518 taŋgu biŋgi Yeso-Krisi, day sen diŋ ti wur mani Aje je ndar nen wããre ma jag Baan lay. Wããre maga á wãɗ ti ɓaara mono, wo diŋ fẽẽre mbuɗgi nen maga á hay ko ra. Á wãã wããre ti ferge boo tiŋ Baa no, de ferge Jerusalem kneʼge ti ngel ɓe, hãã wo kaŋge see wur ma defay no. Ma tĩĩ wer wur se ma defayn mokay no, Baa kal hoo goferner Sorobabel wo de je moobe ma kluu no, ga diŋ Josuwe mono.
Se day ga see ge we wo pel no, ɗiggi jar Israyel kol ge wo yaŋ go de kaŋge diŋ ti ngel po maga Baa joŋ ge waŋ yaŋ go ti tamsir ɓuy. Day pa, wããre sen de tayge wer kẽẽ de peele po maga de hãge ne jobo maga se maŋn ge go diŋ ma joŋ sen sagsag mono.
Ma de ɓog kefder mani Sakari no, (ma kluuri 9—14). Sen wãã wããre ti fẽẽre po wo maga naa daɗ ra see je maga Baa baan ge go ma kaŋ waŋ mani Baan ti ngel mono. Jar yer wããre ma de cõõre mani Yeson yaŋ wo de ferge ɗig ti wããre seno, daŋge ɓuy ma wããge ti Yeso de see ɓe, ti joŋre ɓe no, ti wããre húulí ɓe lay (ko Mat 21.4-5; 26.31; Mark 14.27; Jaŋ 19.37).
Currently Selected:
SAKARI Kalge ɓil kefder seno: TUP
Highlight
Copy
Compare
Share
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.