SAKARI 4

Mbuɗgi nen ma de dwee no : Fen her lampan wo de koore olife wo no

1Je peele Baa maga hay ti wããre de ɓi mono kal ferge le, day kal pũy mege go doo jobo maga à pũyn le go ti naa nono. 2Á kal wii mege ga : Ndo ko nà diŋ may ne? Ndi kal fer wããre ne hẽn ga : Fen maga ndi de koge ɓe mono, á diŋ fen her lampa maga go de joŋge ɓuy de boo biŋni, de mo ma kag fẽẽre le go de kaŋge ciŋ ti ɓe, day de jag doo ma her lampa ti ni renam maga wo wo go ciŋ ti ɓe. 3Koore olifiye ti jeŋ mo ma hag lampan ɓoge, boŋ ti ɓaŋ ware, boŋ ti ɓaŋ gùri. 4Ndi kal maŋ wããre tigriŋ, ndi wii je peele Baa maga hay ti wããre de ɓi ga : Sen mono diŋ maysela Waŋ ɓi no? 5Je peele Baa maga hay ti wããre de ɓi la kal fer wããre me ga : Ndo bay de koge ga á nà diŋ maysela wa? Ndi day ga : Baywa, waŋ ɓi no.

Wããre maga Manwur ngaɓ ne go ti Sorobabele

6á kal ferge maŋ wããre day wii me ga : Á mo taʼ la diŋ wããre maga Manwur fern ne Sorobabele ga : Sen bay diŋ de egre horog wa lay, bay diŋ de egre ma ɓil wa lay, ama diŋ de Nenterse ɓi, Manwur Pantway wãã doosen nono.

7Húulì ma kluu no, ndo diŋ wosela? Ndo raʼge yaŋ go pel Sorobabele. Day húulì ma ti tawn kal ge yaŋ le go see ɓo ti holaŋ maʼge doo wo. Suseʼ suseʼ ne hẽne.

8Manwur kal fer wããre me doo kay nono ga : 9De ɓoʼ wer tiŋ sen mo kaʼ la diŋ Sorobabele de doo ɓe day, á ɓoʼ ge jag ɓe yaŋ go diŋ se de doo ɓe pa, day ndo ko ge yaŋ ga Manwur Pantway ɓoʼ me le see ɓay. 10Hay feg ti wur maga joŋren hay de tĩĩ wer meʼ meʼ ɗa mono diŋ wo la? À joŋge fruygi yaŋ, de maga à ko Sorobabel we de saale ma ngaɓ de deele tiŋn doo kay mono. Ma renamn wo mo hãʼ diŋ nen Manwur wo, maga raŋ wo go ti tamsir ɓuy mono.#4.10 f. 10ss Kefder wããre Baa ma tigriŋ yaŋ sraʼ wo wããre ma ti ngel ma sen mo taʼ la sar de ma tigriŋ wo.

11Ndi kal maŋ wããre, ndi wiin ga : Olifiye ma ɓog ma ti jeŋ mo her lampan wo, ga boŋ ti ɓaŋ ware, boŋ ti ɓaŋ gùr mono diŋ may wo lay la? 12Ndi kal maŋ wããre tigriŋ ma de ɓog pa, day ndi raw wiigi ɓe ga : Jag doo Olifiye ma ɓog maga wo de corge ti jeŋ jag tuu boo biŋni maga boo biŋnin yuu wo go ni mono diŋ may lay la? 13Á kal fer wããre me day ga : Á wo nà diŋ maysela nà ndo kon gà? Ndi kal wããge ga : Baywa waŋ ɓi no. 14Á day ga : Á diŋ jar ma ɓog ma de kaa noo ti maga wo de lagge go ti deele pel Waŋkluu ma ti tamsirn ɓuy mono.

Currently Selected:

SAKARI 4: TUP

Highlight

Copy

Compare