SAKARI 3

Mbuɗgi nen ma de naa no : Josuwe je moobe ma kluu ma siɗ jag no

1Á raw kaŋ nen ɓi ti Josuwe, je moobe ma kluu ma siɗ jagn de oole pel je peele Manwur deŋ, day Satan de oole ti ɓaŋ war ɓe deŋ car re ne hẽn see. 2Je peele Manwur kal wii Satan ga : Daga Manwur mo fer mo go sedem daga Manwur mo fer mo go seɗem, á diŋ je maga joŋ nen baage diŋ Jerusalem mono! Á nà bay doo jag hããre maga à naan le go ti wùu no wa? 3Josuwe hay de õõbe ma de ɗag wo ti, day hay de oole pel je peelen deŋ. 4Je peelen kal fer wããre ne jar maga hay wo pel ɓe mono, day kal wii rage ga : Ndar we õõbe ma de ɗagn wo go ne hẽn ti! Blam ɓe se day ga : Ko nen ɓo ndi taw joŋre ma ni naŋ gà ɓon go ne ndo, ma laa õõbe ma de woore ne ndo ti. 5Ndi kal wããge ga : Daga kaŋ jugu moobe ma bay ɗag ne hẽn ti! Day à kal kaŋ jugu ma bay ɗag ne hẽn ti, day kal wo laa õõbe wo ne hẽn ti. Je peele Manwurn hay de oole ni deŋ.

6Je peele Manwur kal age de sedewa ma kay ne Josuwe, ga : 7Manwur Pantway wãã doo kay nono, ga : Hayga ndo yaŋ seege ti faage ɓin wo, day hayga ndo yaŋ ɗaw jag liŋgi ɓin wo no, wãã ge wããre tiŋ ɓin diŋ ndo, ndo gor ge feele ɓin wo lay, day ndi men ge mbi faage ne ndo ma kalge yoo jar maga wo see ɓi la hãy.

Manwur nduu gi yaŋ de wejõõ ɓe no

8Coʼ sug ɓo so Josuwe je moobe ma kluu ma siɗ jag no, nday de jar ɓo maga wo de lagge gesiŋ pel ɓo mono, werga á wo diŋ jar maga kaŋ ge wo nen yaŋ go pel bol ti fen ma pele, de sen ɓuy, ndi mo deŋ no! Ndi nduu yaŋ de wejõõ ɓi maga à ɗen ga tĩĩgi waa#3.8 Tĩĩgi waa : Tĩĩgi waa kaŋ nen ti je maga nduu gi yãã jar Israyel wo go. Jar debaŋ ɗig wo diŋ ti Mesi, ama bay diŋ ti Sorobabel tuu wa ɗa an tawa mono. 9Werga á mokay diŋ húulì maga ndi ɓoʼn ne Josuwe pel mono. Húulì se boŋn de nen ti renam. Ndi yer ge fen maga nen yerge ti ɓe mono diŋ ndi de see ɓi tuu kay diŋ jag Manwur Pantway, day ndi taw joŋre mani naŋ gà ma ɓi sir sen la yaŋ go nen wurpo boŋe. 10Ti wur sen mono kay diŋ jag Manwur Pantway nday ɗe ge kããra yaŋ ti holaŋ ɓay wer tlalum, wer koore figiye wora.

Currently Selected:

SAKARI 3: TUP

Highlight

Copy

Compare