SIŊ MA DE DAŊ SIŊN WO 7
7
(Jar tigriŋ wo)
1Fer le, may Sunamid no, fer le!
Fer le, fer le nen maga nen wùr mo hay de kaŋge ko moge.
Nday daʼ mayse ti koge may Sunamid maga doo ga se de dag wer jõõ ɓog no mo la?
(Ma twar no)
2Ɓaale ɓo kaŋ de woore de taarag ɓon wo ɗala, may ma ti twore no!
Sag ɓo de mbuggi doo redew maga je ko el ɓe tann nono.
3Ɓil ɓo doo kob ma horloŋ maga yii ma de cõõre bay go caa nen ɓil ɓe wa nono.
Hõõgese ɓo doo coore ble maga de tayge ti kẽẽ day fuɗgi fẽẽre go de cir ti ɓe nono.
4Pãã ɓo ma ɓogn wo doo weere baryam wo ɓog gèere nono.
5Soole ɓo doo tiŋ ma de gẽẽre maga à boon de saŋ nàyre wo nono.
Nen ɓo doo man gloŋre ma Hesbon ma jag feele Bat-Rabim wo nono.
Hwũy ɓo doo tiŋ ma de gẽẽre ma Libaŋ
Maga jar gor ngel lag wo ni go nen jag Damas no mono.
6Ti ɓo go ciŋ taʼ doo húulì Karmel nono,
Day riŋ ti ɓo doo õõbe ma de sẽẽ burbur nono,
waŋ po de saʼge jag ɓe!
7Ndo de woore ɗala, ndo nen dage,
Wãy dage ɓi ma ti ɓil ɓi no.
8Deŋ ɓo de maŋ koo gomo,
Day pãã ɓo wo doo leʼge koo wo see kããra tigyir nono.
9Ndi hay riŋ ga : Ndi ɗiigi koo gomon yaŋ,
Day ndi brag ge leʼge ɓe wo yaŋ.
Daga pãã ɓo mo hay wo see kẽẽ tigyir doo leʼge tlalum wo nono.
Egre maga ndo ɓodn mo hay fõɗge fãyfãy doo leʼge bõõre wo nono.
10Daga jag ɓo mo hay doo yii ma fruy ɓil jar nono.
(Ma twãy no)
A mo hay diŋ yii maga coo jag je dage ɓi no,
Day yãã jag jar maga wo ti naa mo ɓuy lay no.
11Ndi diŋ ma je dage ɓi no, ɗiggi ɓe de kaŋge ti ɓi.
Dage jobo hã twore ne hẽne
(Ma twãy no)
12A le, je dage ɓi no naa laa wo go ɓil payre wo.
Naa nà wo go ɓi leege ma ti progre wo!
13Ngel tee ge go mono, naa wo ge see jar peɗ tlalumn wo,
Ma koge ga tlalumn jor we yawla, ga fuɗgi ɓen dlĩy wo ti we go yawla
Ga koore grenadiyen fuɗ wo we yawla,
Day ni ndi kaŋ nen ɓo yaŋ go ti dage maga ndi da ndo wo go ni.
14Koore mandagorn fõɗ wo fãyfãy
Day leʼge koore ma de daŋ kããra wo go jag tiŋ ni naa ɓuy,
Diŋ leʼge koore ma ɓaa wo de ma defay wo.
Je dage ɓi no, ndi hay laa ra ciŋ ne ndo.
Currently Selected:
SIŊ MA DE DAŊ SIŊN WO 7: TUP
Highlight
Copy
Compare
Share
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.
