MALASI Kalge ɓil Kefder seno
Kalge ɓil Kefder seno
Malasi hay ndar nen wããre Baa ti holaŋ jar Jwif wo, go kiŋgi 500 Taŋgu Biŋgi Yeso. Jar Jwif sen diŋ maga hay wo le go ti daŋgay Babilon day kiŋgi ɓaara le go de ferge ti sir Juda de kos kis mono. Kefder mani Esdras, Nehemi, Aje wo de Sakari wãã wo ti ferge ɓaara le no. Ama ti kal mani Malasin saara fer go yõõ ti pa : seele jag Baa ɓaara glub go lay, seele ɓaara ti holaŋ kããra kol go de hãyge lay.
Ɓil kefder sen ni naa daʼ ga jar siɗ jagn bay wo horge sug ti siigi jagn doo maga a hay de yerge no wa 1.6-14, bay wo seege ti jag liŋgin nen maga jar ma ɓuyn mo ko wo see ɓaara ni wa so lay 2.1-9. Koɗge jar ma ɓuyn hãy go day saara lag cogob ne kããra ti lay 2.10, da wo naare noga werpiiri wo go ni jar maga bay wo de ko Baa. Á raw wo goŋ baa ɓaaran wo, bay wo horge sug ti naare maga saara da ra ti jõõre ɓaara wo mo wa, bus wo ra go, ngrum wo jag ti Baa, ko wo doo ga a de gay saara de koɗkoɗ nono 2.11-17. Ti ma kluu 3.1-6, Baa fer wããre ti age Jaŋ-Batis maga a ge go taŋgu Yeso ko Mat 11.10-14. Baa ruu jar mani ɓen wo ti freŋ maga á joŋn wo see se ti fẽẽre maga á wo nen hãge rage ma kay joŋre ma ɓil tiŋ ɓen 3.7-9, day se wii ra ga hayga á joŋ wo we de el ti sen no, se kaŋ ge bosaʼ yaŋ ne hara ti, wer jar ɓuy senaʼ ge wo twore ɓaaran yaŋ wo 3.10-12. Baa ruu ra ti ngrumgi jag maga a ngrum wo ti se mo pa, werga á ɗig wo ga daʼge bay ti joŋge peele ne Manwurn wo de joŋge hẽẽne doo ɓen mo wa 3.13-15. Baa fer ne hara ga wur á ge yaŋ day à ko ge mbe yaŋ ga se bay go yõõ ti ti jar maga joŋ wo peele ne se mo wa 3.16-18; Heb. 6.10. Werga wur yaŋ le a ge day Baa taw ge jar hãyhãy ma far ti see ɓaara ciŋn wo yaŋ go, hã ge fruygi yaŋ ne jar ma keɗedn wo ɓili. Ane, daga jar mo fer wo ɗig ti ti jag liŋgi maga se hay yer ra ne hara nen doo Moyis wejõõ ɓen mono 3.19-22. Taŋgu wur sen, Eli maga Yeso naa wer ɓe ga á diŋ Jaŋ-Batis a ge go ɗa 3.23, 24; Mat 17.10-13.
Currently Selected:
MALASI Kalge ɓil Kefder seno: TUP
Highlight
Copy
Compare
Share
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.