ESAY 32
32
Waŋ ma de twore no
1Mo so no waŋn joŋ ge waŋn yaŋ ti ngel ɓe,
weere waŋren seege wo yaŋ de jar ti faage ɓe lay.
2Wosela ɓuy joŋ ge yaŋ doo duuli pel leege nono,
doo ngel yoŋre doo degurleege nono,
doo bii yuuri ti ngel maga hay hig go nono,
doo nen cee húulì ma kluu ti ngel ma de ceg nono.
3Nen jar maga ko wo, cug gi wo ra meʼ gà.
Sug jar maga hay wo laage cug gi wo ra ti mopo meʼ gà so lay.
4Jar maga ɓil ɓaara ig hooge gà
joŋ ge wo yaŋ de ti ngel ma laɗ wer re wo.
Trum jar maga wo mborglo wãã ge wããre yaŋ go deparday lay,
go ti ngel ɓe lay.
5À ɗe ge je bay tin ga je twore gà so,
a ɗe ge je hramn ga je yaŋ gà so.
6Werga je ma bay tin wãɗ ɓen diŋ jag dog jage.
Jiili ɓe go de kaŋge ti ɓlagge ma joŋ fen yeɗe no,
ma wãɗ re ma ɓay ngar ti Manwuri,
ma hoo fen maga le ɓil je ma koŋnen go,
ma yãã bii go ne je maga jwaale jage.
7Joŋre mani je hramn diŋ ma ɓlag jare.
Á ɗig ɓen diŋ ɗiggi ma debaycõõren wo,
ma joŋ nen jar gayre wo de wããre geteʼ wo,
hayba ga re ma je coon ti ngel ɓe yaw.
8Ama je ma ɓil de eln kiɗ le ɓil ɓe
diŋ faage fẽẽre ma de eln wo,
day oo nà diŋ ti ɗiggi ɓe ma de eln wo tuu lay.
Re ti naare wo
9Nday naare maga go de suɗgi lemdeʼ lemdeʼ mono,
hoo we go ciŋ, laa we jag ɓi!
Nday mayre maga nday go de daɗ ti see ɓay mono,
coʼ we sug wããre ɓi no!
10Kiŋgi wo maŋge la boŋ de naw ti rab mono,
jwaʼ ge koore maŋ jag go,
weege fẽẽre joŋ ge gà so.
11Lag we go de hẽẽne nday naare ma ti twore no!
Daɗ we, nday naare ma de daɗ ti see ɓay no!
Ndar we õõbe ma ti ɓayn wo go,
gwaʼ we go see koɗe day ni nday saɗ we yoo ɓay!
12Nday mbar ge pãã ɓay wo yaŋ
doo lawge ti woore payren wo,
ti leʼge maga tlalum hay wo leʼge ɓe mono.
13Hõõre wo de ɗewseŋ tĩĩ
wo go ti sir mani jar ɓin wo,
go ɓil tiŋ ma de fruygin wo,
go ɓi leege ma de hragge no.
14Werga à tob ngel hayle toren go,
à men ɓi leege ma de ngar jag ɓiln go.
Wel húulìn wo de tiŋ ma de gẽẽren joŋ ge
wo diŋ jag rum ma ndalge gerhẽẽre ma yooway wo,
go diŋ ngel koɗ horog wo.
Wur po a ge yaŋ
15Sen joŋ nono hãã wo go ti wur
maga Nenterse cwaa ge le ciŋ ne naa ti ɗa,
say laale kol go diŋ ngel peɗ koore taʼ a,
day koore sãã wo go krig kol de maŋ yooway no ɗa no.
16Mo so no fen ma ti faage ɓen joŋ ge yaŋ ɓil puuli no,
fen ma ti ngel ɓen joŋ ge yaŋ yoo koore ma de peɗgen wo.
17Joŋge mo ma ti ngel ɓen a ge de jam,
joŋ ge mo ma ti ngel ɓen fer ge ɗiggi jar yaŋ le
see ɓaara, kaŋ ge wer ɓaara yaŋ lagge de kaŋ ɗiggi de woore tumtum.
18Jar mani ɓin joŋ ge wo ti wur jam,
go ti ngel lagge ma de yõõ ti wo,
ti ngel iggi ma bay re wo lay.
19Ane húulì-baa jwaʼ ge yooway go gesiŋ,
ɓi leegen fer ge yaŋ go gesiŋ hase.
20Woore ti ɓay nday jar maga nday joɗ fẽẽre ti jeŋ bii wo mono,
ti bay maga nday pog ɓaale day wo go de gerhẽẽ mono!
Currently Selected:
ESAY 32: TUP
Highlight
Copy
Compare
Share
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.
