ESAY 18
18
Re ma caa sir Etiyopi no
1O ndo sir maga maʼ graŋ ɓiʼ ɓiʼ wo go faale maarog
ma de pããge ma Etiyopin wo no!
2Ndo maga ndo lag jar soole ɓon wo wo ciŋ ti maaroge,
lag daage fǐiri bii ɓon wo wo ciŋ ti bii wo mono!
Nday jar soole ma deparday no, see we,
wo we see wer jar ma de gẽẽre maga see ɓaara sag mono,
see jar maga à joŋ hẽẽne doo ɓaara go ti ngel ɓuy mono,
ni wer jar ma de egre maga ndreɗ wo jar go ɓuy
day sir ɓaaran de car ɓil de maarog wo mono.
3Nday ɓuy jar maga nday ti tamsir lam no,
nday maga nday de lagge ciŋ ti sir lam no,
nday kaŋ ge nen ɓay nà ti drapo ma de coʼge
ciŋ ti húulìn wo mono.
Nday coʼ ge sug yaŋ de maga à ʼwaa ge cõõn mono.
4Werga Manwur hay riŋ me doo kay nono ga :
Ndi ndor gà
ndi ko koge ti ngel deŋ doo ceg maga sar nen ngel ceg nono,
doo gedembar nen ceg ti wur weegen nono.
5Ane, taŋgu weege fẽẽren de maga fẽẽren
maŋ wo jag fuɗgi go,
ga fuɗgin kol go diŋ tlalum ma de ruggi so mono,
se car jag doo tlalum maga de ɓlaggen wo go
de saŋ wo, horge ra go,
day poʼ maga bay wo de el wa wo go.
6À tob ge ra go ɓuy ne dweere ma re này maga
wo yoo húulì wo de nàyre ma ti sirn wo.
Dweere ma re nàyn caa ge wo ngel ti ceeren go
ti ɓaara yeʼ yeʼ day nàyre ma ti sir caa ge wo yaale
go ti ɓaara deŋ deŋ lay.
7De sen ni,
wer jar ma de gẽẽre ga see ɓaara sag mono,
jar se maga à joŋ hẽẽne wo go doo ɓaara wer sir ɓuy,
wer jar maga ndreɗ jar go ɓuy ga maarog de car
nen sir ɓaaran a ge
wo yaŋ de fẽẽre hãge ne Manwur Pantway no.
Á a ge wo de ɓaara nà ti ngel maga
ɗúu Manwur Pantwayn ra ni mono,
ti húulì ma Siyoŋ no.
Currently Selected:
ESAY 18: TUP
Highlight
Copy
Compare
Share
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.
