Mafunukuliko 7
7
1Ni panyuma pa ifi nikaweni wakamalaika ncheche wayima pa songo ncheche sya ndima, wakukangamasa mbepo ncheche sya ndima, nausi mbepo isipupuma bahalapala pa ndima, haka pa nyanja, haka pa nkongo uyi woha. 2Ni nikaweni malaika yungi ni akwela kihumile pa kupita lijuwa, wakuya ni kyakukomelela kya Mulungu wakulama: ni akakuwiti ni njowelo ngulungu kwa wakamalaika ncheche, wala kukapelakiki kwawe kuyananga ndima ni nyanja, kujowa, 3Usiyananga ndima, haka nyanja, haka mikongo, mpaka yatiwakomalele wawanda wa Mulungu pa fiwungi fyawe. 4Ni nikayufwini kawalangiko ka wala wakakomeleliki, elfu mia na makumi ncheche ni ncheche, wakukomeleleka kipitile pa ntangilo uyi yoha wa wana wa Israel.
5Wa ntangilo wa Yuda wakakomeleliki elfu kumi ni siwili:
Wa ntangilo wa Reuben elfu kumi ni siwili:
Wa ntangilo wa Gad elfu kumi ni siwili:
6Wa ntangilo wa Asher elfu kumi ni siwili:
Wa ntangilo wa Naftali elfu kumi ni siwili:
Wa ntangilo wa Manasseh elfu kumi ni siwili:
7Wa ntangilo wa Simeon elfu kumi ni siwili:
Wa ntangilo wa Levi elfu kumi ni siwili:
Wa ntangilo wa Issakar elfu kumi ni siwili:
8Wa ntangilo wa Zebulon elfu kumi ni siwili:
Wa ntangilo wa Yosefu elfu kumi ni siwili:
Wa ntangilo wa Benyamin elfu kumi ni siwili:
9Panyuma pa findu ifi nikaweni, ni lola, lipuga likulungu ili mundu ahotola lepa kuliwalanga, kipitile pa mhuku uyi woha, ni mitangilo ni misafi ni njowelo, ni wayima palongolo pa kitiku kya kiutwa, ni palongolo pa Mwana ling’osi, wakufwikika ni mingila miwalafu, ni ndafi sya mawali pa mawoko gawe; 10ni wakuwa ni njowelo yikulungu, kujowa, Uyokosi kwa Mulungu witu uyu atama pasi pa kitihu kya kiutwa, ni kwa Mwana ling’osi. 11Na wakamalaika woha wakayili mu kuyima kisyungutile kitihu kila, ni wakuluwakulu ni fyakulama ncheche; ni wakagwili palongolo pa kitihu pa fyene fyawe, ni wakangwilikimbo Mulungu, 12kujowa, Amen: Kihomo, ni kukwisika, nu luhala, nu kusengusa, ni liginiko, ni mbafu, ni makakala, kwa Mulungu witu pa miaka ni miaka. Amen. 13Ni yumonga wa wakuluwakulu akahigiti, kunijowela, Awa wifwatakika mingila miwalafu, wayii wa nani, ni wahuma kuu? 14Ni ninjowela, Bambo wangu, umanya. Ni akanijowili, Awa wawa wahicha kipitile pa mahumbuso makulungu, ni wakaguywili mingila yawe, ni wakayikiti miwalafu pa mwasi wa Mwana ling’osi. 15Kwa ndawa iyi wayii palongolo pa kitihu kya kiutwa kya Mulungu; ni wantumakila musi ni kilo pa hekalu yake: ni uyu wakutama pa kitihu kila yawagubakile ni hema yake. 16Yawawone lepe njala kawili, haka nywita; ni haka lijuwa nakupyupa pa wombe, ni haka pakuwawulika payi poha: 17ndawa Mwana ling’osi uyu ayii pagati pa kitihu yawadime, ni yawagendese bahalapala pakulapuka machi ga kulama: nu Mulungu yasungule lisoli liyi lyoha kuwuka pa miho gawe.
Currently Selected:
Mafunukuliko 7: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
