Mafunukuliko 4
4
1Panyuma pa findu ifi nikaloliti, ni lola, ndyango udinduliki kunani, ni njowelo yakutumbula iyi nikayufwini, ngati ya mbata yakulongela nu nenga, kujowa, Kwela kuni, ni yanikulase findu ifi yafiye panyuma. 2Hino apa nikayili mwa Roho: ni lola, kitihu kya kiutwa kiwikiki kunani, ni yumonga wakutama pasi pa kitihu kila; 3ni uyu wakutama pasi ahwanangini pa kuwoneka ni liganga lya yasper ni sardio: nu luwingu lwakasyungutili kitihu kila lwakuhwanangana pakuwoneka ni liganga lya zumaridi. 4Ni kisyungutile pa kitihu kila fitihu fya kiutwa makumi gawili ni ncheche: ni pa fitihu wakuluwakulu makumi gawili ni ncheche wakutama pasi, wakufwatakiwa ni mingila miwalafu; ni pa mitu yawe fikupiku fya zahabu. 5Ni kipitile pa kitihu kila mbamba ni njwawila ni sya kuwuluma. Ni nyali saba sya mwoto kiyakile palongolo pa kitihu kya kiutwa, sila siyii Roho saba sya Mulungu; 6ni palongolo pa kitihu kila, ngati nyanja ya lilolelo yakuhwanangana ni krustallo; ni pagati pa kitihu ni kusyungutisa kitihu, fyakulama ncheche kimemile miho kulongolo ni kunyuma. 7Ni kya kulama kyakutumbula kikayili ngati lihimba, ni kya kawili ngati mwana wa ng’ombe, ni kya kadatu kyene kiwungi ngati mundu, ni kya ncheche kikayili ngati kapungu kakuwuluka. 8Ni fyakulama ncheche, pakuya kimonga kimonga ni mapapatilo sita, ni kimemile ni miho kisyungutile ni kugati: ni fipumulila lepa musi ni kilo, kujowa, Mbalafu, mbalafu, mbalafu, Bambo Mulungu, Mwene mbafu syoha, uyu akayili ni ayii ni ayii mu kuhicha. 9Ni pala fyakulama yafipeleke kwa uyu wakutama pasi pa kitihu kya kiutwa, kwa uyu wakulama kwa miaka ni miaka, kukwisika ni liginiko ni kusengusa, 10wakuluwakulu wala makumi gawili ni ncheche yawagwe pasi palongolo pa uyu wakutama pa kitihu, ni yawangwile‐kimbo uyu alama kwa miaka ni miaka, ni yawatumalile fikupiku fyawe palongolo pa kitihu kila, kujowa, 11Wakulinganila uyii, Bambo witu nu Mulungu witu, kuyupa kukwisika ni liginiko ni mbafu: pakukita ukafipangiti fyoha, ni kwa ndawa ya kilondo kyako fikayili baho, ni fikapangiki.
Currently Selected:
Mafunukuliko 4: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
