Mafunukuliko 18
18
1Panyuma pa ifi nikaweni malaika yungi aselela kipitile kunani, ayii ni chengo kikulungu; nu ndima ukamulikiki nu kukwisika kwake. 2Ni akakuwiti ni njowelo ngulungu, kujowa, Ukagwili, ukagwili Babel ukulungu, ni upatiti kuya pandu pa madaimon, ni pa roho iyi yoha ya wafu, ni pa kidege kiyi kyoha kya wafu ni kya kuwipilika. 3Pakukita mihuku yoha yigwili kinywelile pa mvinyo wa makeko ga fiyaka fyake; ni watwa wa ndima wakiti fiyaka nuyombe, ni wa makau wa ndima wapateye kyuma pa mbafu ya upulipuli wake.
4Ni nikayufwini njowelo yingi kipitile kunani, kujowa, Mupitaye pa yombe, nsafi wangu, nausi musihasangana ni sambi syake, musiyupa pa mitowo yake: 5pakuya sambi syake sikamamatilini mpaka kunani, nu Mulungu akumbukili upulipuli wake. 6Munkilawusile umu akakilawusili, ni kumpindila mapindo ga mahengo gake kawili: pa ntimbo uwu akatimbilikini, mutimbilikane marra mbili. 7Umu mwoha akikwesiti, ni akimekiti, mumu mumpele mang’ahiko ni malilo; pakuya pa mwoyo wake ajowa kukita, Nitemi mutwa ndala, nakuya namfwili, ni yaniwone lepe malilo haka pachokope. 8Kwa ndawa iyi mitowo yake yayihiche ligono limonga, kifwa, ni malilo, ni njala; ni yatinyisike nu mwoto nyamhope; pakuya Bambo Mulungu wakumpaulila wa makakala ayii. 9Ni watwa wa ndima, wala wakakiti fiyaka ni kwimeka nuyombe, yawahuluse masoli ni kwipumunda pa mwoyo panani pa yombe, apa yawalole lyosi lya kunyanyika kwake nu mwoto, 10kuyima patali ndawa ya kuyogopa mang’ahiko gake, kujowa, Yuyuu, yuyuu, likaya likulungu, Babel, likaya lya makakala! pakukita pa saa yimonga lipaulo lyako lichiti. 11Ni wa makau ga ndima waselesa masoli ni kuya mu malilo panani pake, pakuya pawaka mundu ahemela kawili mpako wawe; 12mpako wa zahabu, ni wa ndalama, ni wa maganga ga uhemesi, ni wa lulu, ni wa litonji lyakutipitala, ni wa pofulo, ni wa hariri, ni wa fikele; nu nkongo uyi woha wa thuino, ni kiwiga kiyi kyoha kya mino ga ndembo, ni kiwiga kiyi kyoha kya nkongo wene uhemesi, ni kya ngenge, ni kya kyuma, ni kya maganga ga marimari; 13kinamoni, ni amomo, ni lubani, ni mafuta, ni uvumba, ni mvinyo, ni muro, ni usembe, ni ngano, ni ngombe, ni mambelele; ni mpako wa mafarasi ni magareta ni wawanda; ni mawumi ga wandu. 14Ni fipambiko ifi wumi wako ukafinyonywili filutiti, ni fya kunyong’onyela fyoha ni fya kung’anyima fitagiki kihumile pa wenga, na wandu yawafikolele lepa kawili. 15Wa makau wa ifi, wala wapateye kyuma kihumile pa yombe, yawayime patali ndawa ya kuyogopa mang’ahiko gake, kuselesa masoli ni kuya mu malilo; 16kujowa, Yuyuu, yuyuu, likaya likulungu, ili likafwatakiwi ni litonji lyakutipitala, ni pofulo ni likele, pamonga ni zahabu ni maganga ga uhemesi ni lulu! 17pakuya pa saa yimonga kya kyuma kya ntundu uwu kikitiki kya waka. Ni ayi yoha wakukamula sigilo, ni ayi yoha wakubita ni tanga pandu payi poha, ni wa deck, ni woha wala wayihengela nyanja, wakayimi patali, 18ni wakakuwiti pakulola lyosi lila lyakukitika mwoto kwake, kujowa, Nani wakuhwanangana ni likaya ili likulungu? 19Ni wakalekili lifumbi pa mitu yawe, ni wakakuwiti, kuselesa masoli ni kuya mu malilo, kujowa, Yuyuu, yuyuu, likaya likulungu, pa lila wakapatiti kyuma woha wala wakuya ni magalawa pa nyanja kipitile pa uhemesi wake ukulungu! pakuya pa saa yimonga likakitiki lya waka. 20Sangaluka pa yombe, wenga kunani, ni wawalafu, ni maapostolo, ni wakulweta; pakuya Mulungu apawili lipaulo linu pa yombe.
21Ni malaika wa makakala akatuwili liganga ngati liganga lya lwala lukulungu, ni akalilekili kiyingalile mu nyanja, kujowa, Wiwila ni mhindo Babel, likaya likulungu, yaulekeleke pasi, nakuhotola kukolaleka kawili. 22Ni njowelo sya wene lipango, ni sya wene kitulilo, ni sya wene mhawala, ni sya wene mbata, nakuyufwanika kawili pa wenga; ni haka fundi wa lihengo wa ufundi uyi woha nakukolaleka kawili pa wenga; ni njowelo ya nyalulilo nakuyufwanika kawili pa wenga; 23nu lulangalila lwa nyali nakuwoneka kawili pa wenga; ni njowelo ya nkohani chengo ni ya ndala wa nduusi nakuyufwanika kawili pa wenga: pakuya wa makau wako wakayili wakulungu wa ndima; pakukita pa uhawi wako misafi yoha wakasowasiki. 24Ni pa yombe ukakolaliki mwasi wa wakulweta ni wa wawalafu, ni wa woha wakakomiki pa ndima.
Currently Selected:
Mafunukuliko 18: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
