Mafunukuliko 16
16
1Ni nikayufwini njowelo ngulungu kipitile pa hekalu, kuwajowela wakamalaika saba wala, Mubitaye, ni kufipungulila fisayi saba fya kudada kwake Mulungu kiyingalile pa ndima.
2Ni akalutiti wakutumbula, ni akapungulili kisayi kyake kiyingalile pa ndima; ni kikapatiti kuya kilonda kiwifu ni kya usokosi pa wandu wakuya ni kiwalalilo kya kilugu kila, ni wala wakugwilakimbo kifwilifwili kyake.
3Ni wakawili yula akapungulili kisayi kyake kiyingalile pa nyanja; ni kikapatiti kuya mwasi ngati mwasi wa mfwili; nu wumi uyi woha ukafwili, fifi fila fya mu nyanja.
4Ni yula wakadatu akapungulili kisayi kyake kigingalile pa mikuka ni pakulapuka pa machi; ni kikapatiti kuya mwasi. 5Ni nikayufwini malaika wa machi ni ajowa, Wakugoloka wenga, uyu wakuya ni uyu akayili baho, Mbalafu, ndawa ukapawili wila: 6pakukita wakapungwili mwasi wa wawalafu ni wa wakulweta, nu mwasi ukawapelakili wanywe: wakulinganila wayii. 7Ni nikayufwini mathbahu kujowa, Ena, Bambo Mulungu, Mwene mbafu syoha, ga chakaka chakaka ni ga ugolofu mapaulo gako.
8Ni wa ncheche akakipungwili kisayi kyake pa lijuwa; ni kukapelakiki kwake kuwawawula wandu nu mwoto. 9Ni wakawawuliki wandu nu mwoto ukulungu: ni wakalikitili lihina lya Mulungu blasfemia uyu ayii ni chengo panani pa mitowo iyi, ni wakapeliti lepa kumpela yombe kukwisika.
10Ni yula wa mhano akapungwili kisayi kyake pa kitihu kya kilugu; ni utwa wake ukalekaliki lwisi; ni wakalumiti nimi syawe kwa ndawa ya kuwinisa, 11ni wakankitili Mulungu wa kunani blasfemia kwa ndawa ya mawiniso gawe ni filonda fyawe; ni wakapeliti lepa kugaleka makitiko gawe.
12Ni yula wa sita akapungulili kisayi kyake pa nkuka ukulungu Euphrates; ni gakayumasiki machi gake, nausi yiwikile ngani ndila ya watwa wala wahuma pa kipita lijuwa. 13Ni nikaweni kipitile pa ndomo pa liyoka likulungu, ni kipitile pa ndomo pa kilugu, ni kipitile pa ndomo pa wakulweta wa mageya, roho sidatu sya wafu, ngati manyoto: 14pakuya siyii roho sya madaimon, sikukita fiwalalilo; isi sipita kunja mpaka kwa watwa wa ndima woha, kuwawunganisa pamonga kiyingalile pa ngondo ya ligono lila likulungu lya Mulungu, Mwene mbafu syoha. 15(Lola, nihicha ngati mwifi. Wakusengwa uyu aya miho, ni afigoha fifwato fyake, nausi asigendagenda wa ukengele, ni walolalela lihamu lyake). 16Ni wakawunganisi wala pamonga pandu pakemeleka pa kiHebrayo Har‐Magedon.
17Ni yula wa saba akapungulili kisayi kyake pa nyingalila; ni yikapititi njowelo ngulungu pa hekalu, pa kitihu kya kiutwa, kujowa, Gakitiki: 18ni sikayili mbamba sya kumulika, ni manjowelo, ni mbamba sya kuwuluma; ni kikayili kinyukunyuku kikulungu, kya ntundu wula kikayili lepa kitumbulile pala wandu wakayili pa ndima. 19Ni likaya likulungu likagawiki pa malundu gadatu, na makaya ga mihuku gakagwili: ni Babel ukulungu ukakumbukiliki palongolo pa Mulungu, kuupela ntimbo wa mvinyo wa makeko ga kudada kwake. 20Ni kilumba kiyi kyoha kikakimbili, ni fidunda fikakolaliki lepa. 21Ni fula ngulungu ya maganga, ngati talento pa kutopalela kwake, iselela kihumile kunani pa wandu: ni wandu wakankitili Mulungu blasfemia kwa ndawa ya ntowo wa fula ya maganga; pakuya ntowo wula uyii ukulungu muni.
Currently Selected:
Mafunukuliko 16: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
