Mafunukuliko 15
15
1Ni nikaweni kiwalalilo kingi kunani, kikulungu ni kya kukangachisa, wakamalaika saba wayii ni mitowo saba, ya kumalakila, pakukita pa iyi gamalakilana ngani kudada kwake Mulungu.
2Ni nikaweni ngati nyanja ya lilolelo yakutimbilikanya nu mwoto; na wala wakuhotola kipitile pa kilugu, ni pa kifwilifwili kyake, ni pa kawalangiko ka lihina lyake, wayima pa nyanja ya lilolelo, wakuya nayo mihawala ya Mulungu. 3Ni wayimba nyimbo ya Musa mbanda wa Mulungu, ni nyimbo ya Mwana ling’osi, kujowa, Makulungu ni gakukangachisa makitiko gako Bambo Mulungu, Mwene mbafu syoha; syakugoloka ni sya chakaka chakaka ndila syako, wenga Mutwa wa miaka. 4Nani nakuyugopa, Bambo, ni kulikwisisa lihina lyako? pakuya wenga wakape mbalafu; ndawa mihuku yoha yayihiche ni kugwilakimbo palongolo pako; pakuya makitiko gako ga ugolofu galasiki pa kwelu.
5Ni panyuma pa ifi nikaweni, ni ikadinduliki hekalu ya hema ya ulungamakiso kunani: 6ni wakapititi pa hekalu wakamalaika wala saba awa wakayili ni mitowo saba, wakufwatakiwa ni liganga lya uhemesi, lya kuguyulika ni lya kung’anyima, ni wakwikungila mipango ya zahabu pa fifimba fyawe kisyungutilile. 7Ni kyakulama kimonga kya fila ncheche akawapili wakamalaika saba fisayi saba fya zahabu fyakumema na kudada kwake Mulungu wakulama kwa miaka ni miaka. 8Ni hekalu yakamemasiki ni lyosi kipitile pa kukwisika kwake Mulungu, ni pa mbafu yake; ni pawaka mundu akahotwili kuyingila pa hekalu, mpaka mitowo saba ya wakamalaika saba yayimalakasike ngani.
Currently Selected:
Mafunukuliko 15: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
