Yuda 1
1
1Yuda, mbanda wa Yesu Kristo, nu ndongo wa Yakobo, kwa wala wakukemeleka, wakuganika nu Mulungu Dadi, na wakugoheka kwa Yesu Kristo: 2Lipyana kwinu ni kindamba ni kiganano kifuluke.
3Wakuganika, apa nikayili mu kuyumbatika kuwalembela pa uyokosi wula tihasangana nawo, nahotwili lepa kuleka kuwalembela kuwakila mukangamale kuyimalila kiyitakiso kila kikafumbuliki kamonga waka kwa wawalafu. 4Pakuya wakayingili pakugwala wandu wanunuyu, wala wakalembiki mwandi kwa lipaulo ili, wandu wawifu, wang’anamuse neema ya Mulungu witu kwa wafu, ni wankana Wakulinganisa witu wakape nu Bambo witu, Yesu Kristo.
5Leka nilonda kuwakumbukisa, haka kamonga mumanya fyoha, kukita Bambo, pala akayokwili nsafi kipitile pa ndima wa Egupto, panyuma pake akawayaningi wala wangakela. 6Na wakamalaika wala wagohiti lepa utwa wawe, koma wakalekiti pandu pawe pene, awagohiti ni wa migoyi ya miaka pasi pa lwisi mpaka pa kupaula kwa ligono likulungu. 7Ngati umu Sodom ni Gomorrah, na makaya gakusyungutila mumu, ndawa wakahasangini nawo pakukita kiyaka kikitile, ni wakawukiti kukisa nyama ya kigeni, wawikika kwa ndingo, kuhumbusika kwa kuyambulisa kwa mwoto wa miaka. 8Leka wiwilawila awa kawili pa kulota kwawe wawipisa nyama, ni wahepa utwa, ni wafijowela fya kukwisika blasfemia. 9Koma Mikael malaika nkulungu, pakujowana ni diabolo akapindakini pa ntufi wa Musa, akasindimili lepa kumtolela mhalo wa blasfemia, koma akajowiti, Bambo akulakalile ngani. 10Koma awa wafijowela blasfemia fila wafimanya lepa: ni fila wafiwalalila pa utamo wawe, ngati filugu fyangali malango, pa fifilafila wayanangiki. 11Malilo kwa awa pakuya wakagenditi pa ndila ya Kain, ni wakakimbili pakusoweka kwake Balaam kwa kupata njombe, ni wakatagiki pa mapindikano ga Korah. 12Awa wawa mabala pa fyakulya finu fya kuganana pala wayilisa nu mwenga, wakudima wayidimila wene pangali kuyogopa; mafundi gangali machi, gakutoleka waka uku ni uku nu mbepo; mikongo yakupulutuka, yangali fipambiko, yakufwa kawili, yakutupulika; 13mayiga ga nyanja gangagona, gakututuma waka lihuluhulu lya lihamu lyawe: ndondo syakusowa, kwa sila kupilala kwawe lwisi bii kugohiki kwa miaka. 14Nu Enok, wa saba kihumile pa Adam, akawalwetili awa kawili, kujowa, Mulolaye, Bambo akachiti na wawalafu wake maelfu, 15kuwapaula woha, ni kuwapela mhalo woha awa mawifu pa makitiko gawe mawifu, gala wakagakiti pa uwifu. 16Awa wawa wakunung’unika, wakuniongoneka waka, wakugendagenda kukisa manyonyelo gawe (ni pa ndomo walongela gakufuluka), kuwahikalila wandu kwa ndawa ya mbendo.
17Koma mwenga, wakuganika, mukumbukile malowe gakajowiki palongolo na maapostolo wa Bambo witu Yesu Kristo; 18kukita wakawajowili mwenga, Pa lukumbi lwa kumalakisa yawaye wa mameno, wakugendagenda kukisa manyonyelo gawe mawifu. 19Awa wawa wakita mapatukano, wa pa nyama, nukuya nu Roho. 20Koma mwenga, wakuganika, wakwijengela panani pa kiyitakiso kinu kiwalafu nyamhope, wakusali pa Roho Mbalafu, 21mwigohe mwawene pa kiganano kya Mulungu, kulolalela lipyana lya Bambo witu Yesu Kristo kwa kulama kwa miaka. 22Ni muwapwelekele lipyana wangi, awa wakangachila; 23na wangi muwayokole kuwanyaka kipitile pa mwoto; na wangi muwapwelekele lipyana pakuyogopa; kuwipila haka mwingila ulekaliki mabala ga nyama.
24Leka kwa yombe uyu ahotola kuwalindalila nausi musikuwasika, ni kuwatamisa mwenga pa miho ga kukwisika kwake pangali filema pa kuyangala kukulungu, 25kwa Mulungu wakape Njokosi witu, pa Yesu Kristo Bambo witu, kuye kukwisika, ukulungu, makakala, ni chengo, kitumbulile pa miaka, ni mpaka hino, ni kwa miaka yoha. Amen.
Currently Selected:
Yuda 1: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
