III Yohana 1
1
1Nkulungu kwa Gaio wakuganika, uyu ningana pa fya chakaka.
2Wakuganika, niluwa kukita pa fyoha utame mu unofu ni kusangaluka, ngati umu mwoyo wako uyii mu unofu. 3Ndawa nikahekalili kulutila, apa walongo wakachiti ni wakalasiti ulungamakiso wa fya chakaka fyako, ngati umu ugendagenda pa fya chakaka. 4Niyii nako lepa kuhekelela kulutila uku, pa kuyufwana kukita wana wangu wagendagenda pa fya chakaka.
5Wakuganika, ukita lihengo linofu pa kiyi kyoha kila ukikita kuwahengela walongo nawombe wageni kawili; 6awa walasa ulungamakiso wa kiganano kyako palongolo pa kanisa: awa yaukite wicho kuwapelekesa pa mwanja wawe umu mulinganila kwa Mulungu: 7pakuya ndawa ya Lihina wakapititi, wangali kuyupa kandu pa wa Mihuku. 8Mumu tenga tilinganila kuwayupa wa ntundu uwu, nausi tiye wakuhengelana pa fya chakaka.
9Nikalembiti lilowe lichokope kwa kanisa: koma Diotrefe, yula agana kutama wakutumbula wa wombe, atiyupa lepa. 10Kwa ndawa iyi, wona nihicha, yanikumbukise makitiko gake gala agakita, kutiwowotela na malowe ga usokosi: na akotoka lepa baho, koma haka mwene awayupa lepa walongo, na wala walonda awabesa, ni awataga kunja kwa kanisa. 11Wakuganika, musikisa kila kiyii kiwifu, koma kinofu. Uyu akita kinofu ayii wa Mulungu: uyu akita kiwifu ambweni lepa Mulungu. 12Demetrio ayii ni ulungamakiso wa woha, ni wa fya chakaka fyene: ena, tenga kawili tilasa ulungamakiso; nu wenga umanya kukita ulungamakiso witu uyii wa chakaka.
13Nikayili nafyo fya mahele kukulembela, koma nigana lepa kufilembela ni wino ni pen:
14koma nihuwalila hino apa kukuwona, na yatilongele ndomo kwa ndomo. Kindamba kwako. Wakosi wakulamusa. Muwalamuse wakosi lihina kwa lihina.
Currently Selected:
III Yohana 1: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.