Hebrayo 9
9
1Mumu kitumbulile gala gakutumbula gayii ni mapaulo ga kungwilakimbo Mulungu, ni pandu pake papakape, ga pa ndima uwu. 2Pakuya hema yikawikiki, yila yakutumbula, pa iyi pakuwikila nyali, ni mesa, ni mawikiko ga pa miho ga mikate; yila yikemeleka Pawalafu. 3Ni panyuma pa kindemula kya kawili, hema iyi yikemeleka Pawalafu pene; 4yakuya ni pakututumisa lubani pa zahabu, ni lisanduku lya malagano lya kugubukilika kisyungutile ni zahabu, mumu kyayili kiwiga kya zahabu kyakuya ni manna, nu nkongocho wa Harun uwu utukiti, na mapondo ga malagano; 5ni panani pake akerubi wa kukwisika kilekalile pandu pa kukingila pene kifwili; ya ifi tihotola lepa kujowa hino kimonga‐monga. 6Pakutendekesa ngani findu ifi wiwilawila, makasisi wayingilaga pa hema yakutumbula, kumalisa ngani fya kuhengela fyawe; 7koma pandu pala pa kawili kasisi nkulungu wakape, kamonga pa mwaka, nukuya wangali mwasi, uwu alekela kwa yombe mwene, ni pa mihalo ya nsafi: 8kilasile Roho Mbalafu mumu kukita ndila ya pandu pawalafu yikona nukulasika pa kwelu, baho kiyimile hema yila yakutumbula; 9iyi yiyii ngongo kwa lukumbi lwa hino; kwa ndingo wa iyi filekaleka fiyetulo ni nyambiko sila syangahotola, kwa ndingo wa chengo kya pa mwoyo, 10kunkita wakumalakilana uyu agwilakimbo, fimanya kuya (pamonga na fyakulya ni fyakunywa ni masambiko ga misafi‐misafi) mimbi sya mbili, siwikika mpaka lukumbi lwa kutendekesa kawili.
11Koma Kristo pakakitiki kasisi nkulungu wa finofu fila fiyii mu kuhicha, pa hema yikulungu kulutila ni yakumalakilana, yangakitika na mawoko, kuku kujowa, nukuya ya mapangiko aga, 12haka kwa mwasi wa mene ni ng’ombe, koma pa mwasi wa yombe mwene, akayingili kamonga waka Pawalafu, pakapatiti kukombola kwa miaka. 13Pakuya wona mwasi wa mene ni ng’ombe, ni malifu ga nginda ya ng’ombe gakulapulila awa wakitiki wa waka, gawalasa kwa kusuka mbili: 14apu wuli mwasi wa Kristo, uyu akilekili mwene nyelelele kwa Mulungu pa Roho wa miaka, yakite chengo kinu kya pa mwoyo kya kuwalasika, kuhuma pa mahengo ga kufwa kiyingalile kumhengela Mulungu wa kulama? 15Ni kwa ndawa iyi ayii wa pagati wa malagano ga hino, kukita kufwa kukapatiti kuya kwa ukombosi wa mapatukano ga pa malagano ga kutumbula, awa wamaliti kukemeleka wayupe kilago kya lipwela kya miaka. 16Pakuya apa kilago kya kupeleka mu lipwela kiyili, nukulekeka lepa kutola baho kufwa kwa uyu akakiwikiti. 17Pakuya kilago kya kupeleka mu lipwela kikangamala pala kukayili kufwa: ndawa kiyii ni makakala wuli wona alama wakukikita? 18Mumu haka malagano gakutumbula gawikiki lepa pangali mwasi. 19Pakuya pakalongaliki luwimbi luyi lwoha ni Musa kwa nsafi kwa ndingo wa torah, akayupiti mwasi wa wana wa ng’ombe ni mene pamonga ni machi ni lwagi lukele ni husopo, ni akakilapulili kitabu kyene, ni nsafi woha, 20kujowa, Uwu mwasi wa malagano gala Mulungu akataukili kwa mwenga. 21Ni kitumbulile hema ni misewenji yoha yakulindalila akayilapulili wiwilawila kawili ni mwasi. 22Ni kujoweka kukita ni mwasi fyoha fiwalasika kwa ndingo wa torah, ni pangali kupungula mwasi, kuyilepe kulekelekesa.
23Wiwi nukulekeka kukita fya kukisana fya fila fya kunani fiwalasike ni ifi; koma findu fyene fya kunani ni nyambiko sinofu kulutila isi. 24Pakuya Kristo nukuyingila pandu pawalafu pakukitika na mawoko, pa kuhwanangana ni fila fya chakaka; koma kiyingalile kunani kwene, hino kuwoneka pa miho ga Mulungu pa mihalo ya tenga: 25nukuya kukita ayilekele mwene nyambiko kawili kawili; ngati umu kasisi nkulungu ayingilaga pawalafu mwaka nu mwaka nu mwasi nukuya wa yombe; 26pakulola kukita ngayufwini mahumbuso kawili kawili kitumbulile pa kuwikika ndima: koma hino kamonga waka pa kumalasika miaka alasika kuwusa sambi pa nyambiko ya mwene wakape. 27Ni umu kuwikakiwi kwa wandu kufwa kumonga, ni panyuma pake kupaulika; 28wiwila Kristo mwene kawili, pakatoliki nyambiko kamonga kusitwika sambi sya wa mahele, yawoneke pakawili, pangali sambi, kwa wala wakundindalila, kiyingalile pa uyokosi.
Currently Selected:
Hebrayo 9: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
