Hebrayo 8
8
1Ni pa aga tilongela nago iki kiyii kilomo kyake: Tiyii ni kasisi nkulungu wa ntundu uwu, uyu akatemi pasi pa kiwoko kya kulila kya kitihu kya Ukulungu uyii kunani, 2wakufilindalila fiwalafu, ni hema ya chakaka, yila Bambo mwene akatandiki nukuya mundu. 3Pakuya kasisi nkulungu ayi yoha awikika kulekela fya waka ni nyambiko: mumu nukulekeka kukita yombe aye ni kya kulekelela. 4Kawili wona akayili pa ndima uwu, ngayili lepa wakulekela nyambiko, pakulola kukita wayii baho wakulekela fiyetulo kwa ndingo wa torah; 5awa nawombe wakihengela kihwanakiso ni kifwili kya fila fya kunani, ngati umu Musa akakiliki pakulonda kiyimalisa hema: pakuya ajowa, Lola kukita ukite fyoha kwa ndingo wa kihwanakiso kikakulasiki pa kidunda. 6Koma hino apatiti kulindalila kwa kunofu kulutila, kwa ndingo wa kuya wa pagati wa malagano manofu kulutila, ni gawikiki pa filago finofu kulutila. 7Pakuya wona kila kyakutumbula ngakitemi kyangali kuhoka, pandu ngapalondiki lepa kwa kila kyakawili. 8Pakuwapela mihalo, ajowa,
Lola, magono gayii mu kuyicha, ajowa Bambo,
Ni yanikite malagano ga hino ni nyumba ya Israel ni nyumba ya Yuda;
9Nukuya kwa ndingo wa malagano aga nikakiti ni wakadadi wawe.
Pa ligono lila nikawakamwili pa kiwoko kuluta nawo pa ndima wa Egupto;
Ndawa wombe wakahwelili lepa mumu pa malagano gangu,
Nu nenga nawaholalili lepa, ajowa Bambo.
10Pakuya aga ni malagano yanikite ni nyumba ya Israel
Panyuma pa magono gagalagala, ajowa Bambo;
Yanipeleke mimbi syangu pa luhala lwawe,
Ni pa mioyo yawe yanisilembe:
Yaniye kwa wombe Mulungu,
Nu wombe, yawaye kwa nenga nsafi:
11Ni yawule lepa ayi yoha njini wa pa likaya,
Ni ayi yoha ndongo mundu, kujowa, Ummanye Bambo:
Pakuya woha yawanimanye,
Kitumbulile nchoko mpaka nkulungu wa wombe.
12Pakukita yaniye wakufilekelekesa fyakuhoka fyawe,
Ni sambi syawe yanisikumbukile lepa kawili.
13Pakujowa Ga hino, agakititi gakutumbula gala ga mwandi. Koma gala gayii mukutama ga mwandi ni gakulala, gayii papipi kusimika.
Currently Selected:
Hebrayo 8: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
