Hebrayo 6
6
1Mumu tikotoke kulongela ya matumbuliko gake Kristo, tilute mpaka pa kumalakilana; kuleka kuwika kawili kya kukunga pasi, kupela kuhuma pa mahengo ga kufwa, ni kunkela Mulungu, 2mayigaliso ga ubatiso, ni kulekela mawoko, ni kusyuka kuhuma pa wakufwa, ni lipaulo lya miaka. 3Ni iki yatikite, wona Mulungu ayitikasila. 4Pakuya panani pa wala wamulikiki kamo waka, ni walositi kila kya waka kya kunani, ni wakitiki wakuhasangana nu Roho Mbalafu, 5ni walositi lilowe linofu lya Mulungu, ni mbafu sya lukumbi luyii mu kuyicha; 6ni wapatwiki, nukuhotoleka pakawili kuwakita wa hino kwa kupela; ndawa wayikungila kawili pa msalaba Mwana wa Mulungu, ni kunkitila mihenje pa chengo. 7Ndawa ndima wula unywili fula yakuyicha bahalapala kawili kawili, nu upambika likolo lya kuniambisa wala kwa ndawa yawe ukalimiki, uyupa kihomo kuhuma pa Mulungu: 8koma wona upambika miwa ni fipungu ulondeka lepa ni papipi kulapalasika; pakumalakila pake kutinisiwa.
9Tiyitakili panani pa mwenga, wakuganika, finofu fyakulutila ni fyene uyokosi, haka tilongela wiwila; 10pakuya Mulungu nukuya wangali malinga kuyiwa mahengo ginu ni kiganano kila mukakilasiti pa lihina lyake, pa kuwatumakila wawalafu kiwatumakalile. 11Ni tilonda kukita ayi yoha wa mwenga alase ukiki wuwula kwa kutwilisa kihuwalilo mpaka pa kumalakila: 12kukita musiya wakusyela, koma muye wakukisa wala pa kiyitakiso ni kwisinga wayingila pa filago lipwela.
13Pakuya pala Mulungu andapalili Ibrahim kilago, pakuya nukuhotola kulapila pa nkulungu wakulutila, akalapili pa mwene wakape, 14kujowa, Chakaka kupela kihomo yanikupele, ni kuyoloka yanikuyolokese. 15Ni wiwila, pakayisingiti akapatiti kilago. 16Pakuya wandu walapila pa nkulungu: ni pa lipindikano lyawe liyi lyoha kulapila kuyii kumalakisa ni kukangamasa. 17Mumu Mulungu, pakulonda kulasa kiyolokile kwa wakuyingila kilago lipwela kukita luhala lula akalupangiti luhotoleka lepa kung’anamuka, akayingili pagati ni kulapila: 18nausi kwa findu fiwili fyangang’anamuka, pa ifi Mulungu nukuhotola kudeta, tipate kunyamasika kukulungu, tenga wakukimbilila kihuwalilo kya kuwikika palongolo; 19iki tiyii nakyo kihwanakiso kya nanga ya wumi, kya chakaka ni kya kukangamasika ni kya kuyingila kuhyetu kya kindemula; 20uku ngati wakukimbila palongolo, Yesu akayingili kuku pa mihalo ya tenga, pakapatiti kuya kasisi nkulungu kwa miaka yangamala wa ntunda wa Melkisedek.
Currently Selected:
Hebrayo 6: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
