Hebrayo 5
5
1Pakuya kasisi nkulungu ayi yoha uyu akatoliki pa wandu, awikiki pa mihalo ya wandu pa fila fya ku Mulungu, nausi alekele fiyetulo ni nyambiko pa mihalo ya sambi; 2wakuhotola kwisinga na wangali kumanya na wakuhoka, pakuya nuyombe mwene asyungutalika na fya ulegelefu; ni ndawa iyi alinganila, 3umu pa mihalo ya wandu, wiwila pa mihalo ya mwene, kulekela nyambiko pa mihalo ya sambi. 4Nu mundu ayitolela lepa liginiko ili, koma baho akemeleka nu Mulungu, ngati umu Harun. 5Wiwila Kristo nuyombe akikwisiti lepa mwene kuya kasisi nkulungu, koma uyu akalongili nuyombe,
Mwana wangu wenga,
Lilino nikuhogwili:
6umu ajowela pandu pangi kawili,
Wenga kasisi kwa miaka,
Kwa ntunda wa Melkizedek.
7Uyu pa magono ga nyama yake, akalekili maluwo ni mapembeso pamonga ni kulila kukulungu ni masoli kwa yula wakuhotola kunjokola pa kufwa, ni pakayufwaniki kwa ndawa ya kunjogopa Mulungu, 8haka ayii Mwana, akiwuliti kuyufwa kihumile fila akahumbusiki nafyo; 9ni pakamalasiki akapatiti kuwayila wakunjufwanila wakutumbulisa uyokosi wa miaka yangamala; 10wakukemeleka nu Mulungu kasisi nkulungu kwa ntunda wa Melkisedek.
11Pa ifi fya uyu tiyii ni malowe mingi, ni nukukokoseka nyata, pakulola kukita mupatiti kuya wakusyela kuyufwana. 12Pakuya pala mulinganila kuya walimu, ndawa ya lukumbi, ilondeka kawili kukita mundu awayigalisa mayigaliso ga kutumbula ga matumbuliko ga malowe ga Mulungu; ni mupatiti kuya wandu wakulonda lisiwa, nukuya kyakulya kyakudakula. 13Pakuya ayi yoha uyu ahapula baho pa lisiwa ayii nukusyowelelana lepa ni malowe ga kugolosa; ndawa ayii mwana nkeke. 14Koma kyakulya kya kudakula kiyii kwa wakumalakilana, wala ndawa ya kutumila wayii nago malango gawe gakutumilika kuwalalila kulekana kwake finofu ni fiwifu.
Currently Selected:
Hebrayo 5: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
