Hebrayo 4
4
1Mumu tiyogope, pangi kwali kilago kikalekiki kyakuyingila pa kupumulila kwake, ayi yoha wa mwenga yawoneke kulemuka mumu. 2Pakuya chakaka tatoliki evangel, kimonga‐monga na wala kawili: koma lilowe lila wakaliyufwini likawapatili lepa mbendo, pakuya likawunganiki lepa ni kiyitakiso kya awa wakayufwini. 3Pakuya tenga tikeliti tiyingila pa kupumulila kula; umu ajowiti,
Umu nikalapili pa kudada kwangu,
Nukuyingila lepa pa kupumulila kwangu:
haka mahengo gakakitiki kihumile pa kuwikika ndima. 4Ndawa ajowiti ya ligono lya saba pandu pangi kinunuyu, Nu Mulungu akapumulili ligono lya saba kuhuma pa mahengo gake goha; 5ni pandu apa pa kawili,
Nukuyingila lepa pa kupumulila kwangu.
6Pakulola mumu kulekeka kukita wangi yawayingile mula na wala wakatoliki evangel pakutumbula nukuyingila lepa kwa ndawa ya pangali kuyufwana, 7pa kawili apatula ligono, kujowa pa Daudi, panyuma pa lukumbi lukulungu wiwi Lilino, umu ikajowikili palongolo,
Lilino, wona muyufwanila lilowe lyake,
Musinonopesa mioyo yinu.
8Pakuya wona Yoshua akawapumulisi, ngalongili lepa lilowe lya ligono liyini panyuma pake. 9Mumu litama baho sabato kwa nsafi wa Mulungu. 10Pakuya uyu ayingila pa kupumulila kwake mwene wakape amaliti kupumulila pa mahengo gake, umu Mulungu pa mahengo gake. 11Mumu tikindaye kuyingila pa kupumulila kula, nausi mundu asigwa kwa ndingo wuwula wa pangali kuyufwana. 12Ndawa lilowe lya Mulungu liyii lyakulama, ni lyakukitila lihengo, ni lyakutema kulutila upanga uyi woha wa wugi, ni kuhoma mpaka kugawa wumi ni roho, mafundo ni wongo, kuwalalila nyata maholo nu luhala lwa pa mwoyo. 13Ni payilepe kapangiko kangalasika pa miho pake: koma findu fyoha fiyii ukengele ni fya kufunukulika pa miho ga uyu tiyii ni lilowe nuyombe.
14Mumu pakuya ni kasisi nkulungu alutiti pa mafundi, Yesu mwana wa Mulungu, tikuyumalakile kufumbula kwitu. 15Pakuya tiyilepe ni kasisi nkulungu wangahotola kuyufwa fya ulegelefu fitu; koma wakugeseka pa fyoha kimonga‐monga ngati tenga, lema pangali sambi. 16Tihichile mumu kitihu kya neema nu usindimafu, nausi tiyupe lipyana, ni kwikolela neema ya kutangatila pa lukumbi lwake.
Currently Selected:
Hebrayo 4: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
