Hebrayo 3
3
1Mumu walongo wawalafu, wene lilundu pa kakemeleko ka kunani, mumholalele Apostolo ni Kasisi nkulungu wa mafumbuliko gitu, Yesu; 2uyu akayili wakukeleka kwa yula akambikiti, ngati Musa kawili pa nyumba yake yoha. 3Pakuya akawalangiki wakulinganila wa kukwisika kulutila Musa, umu uyu wakuwikila nyumba ayii ni liginiko kulutila nyumba yene. 4Pakuya nyumba iyi yoha ijengeka ni mawoko ga mundu; koma uyu wakufijenga fyoha Mulungu ayii. 5Nu Musa nuyombe akayili wakukeleka pa nyumba yake yoha ngati wakutumakila, kwa ulungamakiso wa fila yafilongaleke; 6koma Kristo ngati mwana, panani pa nyumba yake; uyu nyumba yake tiyii tenga, wona tikamulisa usindimafu witu ni kwilumba kwake kihuwalilo mpaka pa kumalakisa. 7Kwa iki, umu ajowela Roho Mbalafu,
Lilino wona muyufwanila lilowe lyake,
8Musinonopesa mioyo yinu, ngati pakuwawisa,
Ngati ligono lya kugeseka mu mapululu,
9Baho wakadadi winu wakanigesiti pa kulinga,
Ni wakagaweni mahengo gangu miaka makumi ncheche.
10Kwa ndawa iyi nikadadasiki ni kihogosi iki,
Ni nikajowiti, magono goha wahoka pa mioyo yawe:
Koma wombe wakamanyiti lepa ndila syangu;
11Umu nikalapili pa kudada kwangu,
Nukuyingila lepa pakupumulila kwangu.
12Mulolalele walongo, usiya ayi yoha wa mwenga mwoyo wa usokosi wangali kukela, pakupatuka nu Mulungu wakulama: 13koma mkilaye ayi yoha njini ligono ni ligono, baho likemeleka Lilino; nausi ayi yoha wa mwenga asiyumasika ni kukongesa kwake sambi: 14pakuya tipatiti kuya wene lilundu nu Kristo, wona tikamulisa kutumbulila kwake kihuwalilo kitu kikangamalile mpaka pa kumalakila: 15pakujoweka,
Lilino wona muyufwanila lilowe lyake,
Musinonopesa mioyo yinu, ngati pakuwawisa.
16Pakuya nani, baho wayufwini, wakambawisi? ati si woha awa wakapititi pa Egupto pa kiwoko kya Musa? 17Nu nani akadadasiki nawo miaka makumi ncheche? ati si awa wakakiti sambi, awa mitufi yawe yikagwili pa lipululu? 18Ni kwa nani akalapili kujowa yawayingile lepa pa kupumulila kwake, lema kwa wala wakayufwini lepa? 19Ni tiwona kukita wahotwili lepa kuyingila mumu kwa ndawa ya kwangali kukela.
Currently Selected:
Hebrayo 3: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
