Hebrayo 2
2
1Kwa ndawa iyi tilinganila kugaholalela kulutila gala gayufwaniki, pangi kwali titoleke kupatukana nago. 2Pakuya wona lilowe ili likalongaliki pa wakamalaika likatamasiki ngani, ni mapatukano goha ni kwangali kuyufwa kukayupiti njombe ya malinga; 3tenga yatiyokoleke wuli wona tilema kuholalela uyokosi uwu ukulungu? wula apa umaliki kulongaleka pakutumbula pa Bambo, ukakangamasiki kwa tenga nuwombe wakayufwini; 4Mulungu kilasile ulungamakiso pamonga nuwombe, pa fiwalalilo ni finyantiti, ni mbafu sya misafi‐misafi, ni fyakugawika fya Roho Mbalafu, kwa ndingo wa kilondo kyake mwene.
5Pakukita nukuya pasi pa wakamalaika akawikilingani ndima uwu uyii mukuyicha, wula tilongela ndumi syake.
6Leka mundu pangi akalasiti ulungamakiso, kujowa,
Kiki mundu, kukita unkumbukile?
Pangi mwana wa adam, undolalele?
7Ukampelewisi pachokope asiwafikila wakamalaika;
Ni ukanjimisi panani pa mahengo ga mawoko gako:
8Ukafiwikiti fyoha pasi pa njayo syake.
Pakuya pakuwikila fyoha pasi pake, nukuleka lepa kandu kyangawikika pasi pa yombe. Koma hino takona nukufiwona fyoha fiwikiki pasi pake. 9Koma tindolela uyu pachokope asiwafikila wakamalaika, yuyu Yesu, kwa ndawa ya kuwona mahumbuso ga kufwa afwatakiki kukwisika ni liginiko, kukita pa neema ya Mulungu alose kufwa pa mhalo wa ayi yoha. 10Pakukita kikanogili yombe, kwa uyu fyoha fiyii baho, ni pa uyu fyoha fiyii baho, pa kutola wana wa mahele kwa kukwisika, kunkita wakutumbulisa uyokosi wawe wakumalakilana pa kuyufwa mahumbuso. 11Pakuya uyu wakuwalasa nuwombe wakuwalasika woha kipitile pa yumonga: pa nyimu iyi nukuwona lepa lihamu kuwakemela wombe walongo, 12kujowa,
Yaniwandise lihina lyako kwa walongo wangu,
Pagati pa lipuga yanikuyimbile.
13Ni kawili, Yanimhuwalile. Ni kawili, Lola nenga na wana awa Mulungu akanipili. 14Mumu pakukita wana wahasangana pa mwasi nu nyama, yombe mwene kawili apatiti lilundu pa yila; kukita pa kufwa ambuse uyu akayili nu mbafu ya kufwa, yuyu diabolo; 15ni awawopole awa woha wakayili pasi pa uwanda magono goha ga wumi wawe pakuyogopa kufwa. 16Chakaka akamula lepa wakamalaika, koma mbeyu ya Ibrahim ayikamula. 17Mumu yikanogili yombe pa kukitika wakuhwanangana pa fyoha na walongo wake, nausi aye kasisi nkulungu wanya lipyana ni wakukeleka pa findu fya ku Mulungu, kusikinga sambi sya nsafi. 18Mumu, pakuya ayufwini mahumbuso pakugeseka mwene, ahotola kuwafuwula wala wayii mu kugeseka.
Currently Selected:
Hebrayo 2: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
