Hebrayo 1
1
1Malundu malundu ni mungi mungi Mulungu akalongili mwandi na wakadadi pa wakulweta, 2pakumalakisa magono aga akalongili nu tenga pa Mwana, uyu akambitiki wakuyingila pa findu fyoha lipwela, 3pa uyu kawili akayipangiti milima: Uyu pakuya king’alilo kya kukwisika kwake, ni kihwanakiso kyene kya Utamo wake, ni Wakuyilikisa fyoha pa lilowe lya mbafu yake, apa akakitili ngani kuwalasa kwa sambi, akatemi pasi pa kiwoko kya ndilo kya Ukulungu pandu pa kunani; 4pakamaliti kuya wakulutalila wamalaika, umu ayingili lipwela pa lihina lya kulekana nuwombe.
5Pakuya kwa nani malaika akajowiti lukumbi luyi lwoha,
Mwana wangu wenga,
Lilino nikuhogwili?
ni pa kawili,
Nenga yanintamile Dadi,
Nuyombe yanitamile Mwana?
6Ni baho akanjingisi wa kiwele mu ndima ajowa, Ni wangwilekimbo wakamalaika woha wa Mulungu. 7Ni panani pa wakamalaika ajowa,
Wakuwakita wakamalaika wake mbepo,
Ni wakundindalila lilambe lya mwoto:
8koma panani pa Mwana ajowa,
Kitihu kyako kya utwa, Mulungu, kiyii kya miaka ni miaka;
Ni ndonga yakugoloka yiyii ndonga ya utwa wako.
9Ukaganiti ugolofu, leka ukawipili fiwifu;
Kwa iki Mulungu, Mulungu wako, akakubakisi
Ni mafuta ga kuyangala kulutila wayinu.
10Ni,
Wenga Bambo, pakutumbula ukawikili ngani ifi fiyii pasi pa ndima,
Ni kunani kuyii mahengo ga mawoko gako:
11Aga yagatagike; leka Wenga uhwelele ngani:
Na goha yagalale ngati mwingila:
12Ni kihwanakiso kya kufwata yauganiembe,
Kihwanakiso kya mwingila yagayandunganike:
Wenga koma yuyulayula,
Ni miaka yako yangalemuka.
13Koma kwa nani wa wakamalaika akajowiti lukumbi luyi lwoha,
Tama pasi pa kiwoko kyangu kya ndilo,
Mpaka yaniwawike wa mitumba wako kitihu kya njayo syako?
14Ati si woha roho syakulindalila, wakutumika kuwatumakila wala walonda kuyingila pa uyokosi lipwela?
Currently Selected:
Hebrayo 1: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
