Hebrayo 13
13
1Kuwagana walongo kuhwele. Kuwagana wageni musiyiwalisa: 2pakuya pakukita iki wangi wakawakemelakisi wakamalaika. 3Muwakumbukile wa mu migoyi, ngati wakukungika pamonga nawo; wala wakukitika fiwifu, ngati mwawene kawili muyii pa mbili. 4Nduwusi yiginikisike na woha, ni pakugonela pangali wafu: ndawa wa fiyaka ni wa ukeme Mulungu yawapaule. 5Muye wangali kusigana ndalama; wakwisinga ni fila muyii nafyo: pakuya mwene ajowiti, Nihotola lepa kukutaga, ni kukuleka yanikuleke lepa. 6Mumu tenga tisindimale kujowa,
Bambo ayii wakunitangatila; yaniyogope lepa:
Kiki wandu yawanikitile?
7Muwakumbukile wala wakupaula winu, awa wakawalongalili lilowe lya Mulungu; ni kilolalele kumalakisa kwake magendeko gawe, mukise kiyitakiso kyawe. 8Yesu Kristo yuyulayula lichana ni lilino ni kiyingalile kwa miaka. 9Musitoleka ni mawulo ga misafi‐misafi ni ga kigeni: pakuya kiyii kinofu kukangamasika mwoyo ni neema; nukuya ni fyakulya pa fila wakugendagenda mumu nukupata mbendo. 10Tiyii ni mathbahu, nukuya ni chengo kulila baho wala wakuyihengela hema. 11Pakuya miwili ya fyakulama fila, mwasi wawe utoleka kiyingalile pawalafu ni kasisi nkulungu ndawa ya sambi, yitinisika kunja kwa masakasa. 12Mumu Yesu nuyombe, nausi awawalase nsafi nu mwasi wake wa mwene, akayufwini mahumbuso kunja kwa masakasa. 13Mumu tipite nako kunja kwa masakasa, kutwika kudogeka kwake. 14Pakuya kuni tiyilepe ni likaya lya kuhwela mumu, koma tililonda lila liyii mu kuhicha. 15Pa yombe mumu tinkwelesele Mulungu nyambiko ya malumbo kawili kawili, yiyi kipambiko kya milomo yakufumbula lihina lyake. 16Koma kukita kinofu ni kuhasangana musiyiwisa: ndawa ni nyambiko sya ntundu uwu Mulungu ayiganisa wicho. 17Muyufwanile wala wa palongolo pa mwenga, ni kwiwika pasi; pakuya waya miho pa mihalo ya mawumi ginu, ngati wala yawapelekele ngani kuwalangika; nausi wakite iki nu kuhekelela, nukuya ni kuwuwula: pakuya iki kyangali ni mbendo kwinu.
18Mutiluwile: pakuya tihuwalila kukita tiyii ni chengo kya pa mwoyo kinofu, pakulonda kugendesa wicho pa fyoha. 19Kuyoloka kulutila niwakila mwenga mukite iki, nausi nikilawusike kwinu nyata kulutila.
20Leka Mulungu wa kindamba, uyu akatoliti kawili pa wakufwa Wakudima nkulungu wa mambelele nu mwasi wa malagano ga miaka, 21yuyu Bambo witu Yesu, awakitile wakumalakilana pa kiyi kyoha kinofu kiyingalile pa kukita kilondo kyake, wakukita mugati mwitu fila fiyii finofu pa miho gake, pa Yesu Kristo; kwa uyu kuye kukwisika kwa miaka ni miaka. Amen.
22Koma niwakila walongo, mwisinge ni lilowe lya kukila: pakuya niwalembili pa malowe machoko. 23Mumanye kukita ndongo witu Timoteo awopoliki; pamonga nuyombe, wona afika nyata, yaniwawone mwenga.
24Muwalamuse woha awa wakuwapaula, na wawalafu woha. Wawalamusa mwenga wa pa Italia.
25Neema yiye nu mwenga mwawoha. Amen.
Currently Selected:
Hebrayo 13: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
