Popular Bible Verses from Hebrayo 13

Share

Muye wangali kusigana ndalama; wakwisinga ni fila muyii nafyo: pakuya mwene ajowiti, Nihotola lepa kukutaga, ni kukuleka yanikuleke lepa.

Yesu Kristo yuyulayula lichana ni lilino ni kiyingalile kwa miaka.

Mumu tenga tisindimale kujowa, Bambo ayii wakunitangatila; yaniyogope lepa: Kiki wandu yawanikitile?

Koma kukita kinofu ni kuhasangana musiyiwisa: ndawa ni nyambiko sya ntundu uwu Mulungu ayiganisa wicho.

Pa yombe mumu tinkwelesele Mulungu nyambiko ya malumbo kawili kawili, yiyi kipambiko kya milomo yakufumbula lihina lyake.

Nduwusi yiginikisike na woha, ni pakugonela pangali wafu: ndawa wa fiyaka ni wa ukeme Mulungu yawapaule.

pakuya pakukita iki wangi wakawakemelakisi wakamalaika.

Leka Mulungu wa kindamba, uyu akatoliti kawili pa wakufwa Wakudima nkulungu wa mambelele nu mwasi wa malagano ga miaka, yuyu Bambo witu Yesu, awakitile wakumalakilana pa kiyi kyoha kinofu kiyingalile pa kukita kilondo kyake, wakukita mugati mwitu fila fiyii finofu pa miho gake, pa Yesu Kristo; kwa uyu kuye kukwisika kwa miaka ni miaka. Amen.