Filemon 1
1
1Paolo, wa pa migoyi wake Kristo Yesu, nu Timoteo ndongo witu, kwa Filemon wakuganika witu ni wakuhenga lihengo pamonga nu tenga, 2nu kwa Apphia ndumbu witu, ni kwa Arkippo wakukita pa ngondo pamonga nu tenga, ni kwa kanisa ili liyii pa nyumba yako: 3Neema kwinu ni kindamba kuhuma pa Mulungu Dadi witu nu Bambo Yesu Kristo.
4Ninsengusa Mulungu wangu magono goha, kikitile kikumbukumbu kya wenga pa maluwo gangu, 5kuyufwanila kiganano kyako, ni kiyitakiso kila uyii nakyo kwa Bambo Yesu, ni kwa wawalafu woha; 6nausi kuhasangana kwa kiyitakiso kyako kuye kwene mahengo, pa kumanya kindu kiyi kyoha kinofu mgati mwinu, kwa Kristo. 7Pakuya nikapatiti kiheko kikulungu ni kunyamasa pa kiganano kyako, ndawa mioyo ya wawalafu yikapumusili pa wenga, ndongo.
8Mumu, haka niyogopa lepa mwa Kristo kutaukila wenga iki kiyii kyakunogela, 9leka kwa ndawa ya kiganano mbanga nipembesa, pakuya nunuyu Paolo ngogolo, na hino kawili wa pa migoyi wake Kristo Yesu: 10nikupembesa ndawa ya mwanangu, 11uyu nimhogwili pa mgoyi yangu, Onesimo, uyu mwandi akayili lepa kwako wa mbendo, koma hino wa mbendo kwa wenga na kwa nenga: 12uyu mwene ninkilawusili kwako, wuwu mwoyo wangu namwene: 13uyu nikalonditi kungoha pamonga nu nenga, nausi pa mhalo wa wenga anitumakile pa migoyi ya evangel: 14koma pangali maholo gako nikalonditi lepa kukita kindu; nausi unofu wako usiya kwa mbafu, koma kwa ndingo wa kuhagula wa mwene. 15Pakuya pangi ndawa ya iki kwali akapatukiki kwa lukumbi, nausi unjupile ngani kwa miaka; 16nakuya hino ngati mbanda, leka kulutila mbanda, ndongo wakuganika, muni muni kwa nenga, ni kwa wenga kulutila, pa nyama ni pa Bambo kwili. 17Mumu wona uniwalange wakuhasangana na wenga, unjupe ngati nenga. 18Koma wona akakuhokili pa kindu, pangi ayii ni nsigilo kwako, ukiwalange kwangu; 19nenga Paolo, nilemba ni kiwoko kyangu namwene, yanilipe kawili: nausi nisikujowela kukita uyii ni nsigilo kwa nenga haka wa mwene kawili. 20Ena, ndongo, nikusangalukile mwa Bambo: upumuse mwoyo wangu mwa Kristo. 21Pa kuhuwalila pa kuyufwanila kwako nikulembela, kumanya kukita yaukite haka kulutila kila nikijowa. 22Koma ndemuko uniwikile ngani pakuhadisa baho: pakuya nihuwalila kukita kwa sala sinu yanipelewe kwinu.
23Epaphra, wa mu migoyi njangu mwa Kristo Yesu, akulamusa; 24nu Marko, Aristarko, Demas, Luka, wakukita lihengo pamonga nu nenga.
25Neema ya Bambo witu Yesu Kristo yiye pamonga nu roho winu. Amen.
Currently Selected:
Filemon 1: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
